دەمەتەقێوە سەرو ڕۊمانەو چنارەی
بەشۍ: ششەمە
پلات یان نەخشە و پیڕەنگ:
نویسەر پەی ڕوٙمانه و چنارەی پلاتیٛوی ئاشنا و تەجروبەکریاش هوٙرچنېیەن بەجوٙریٛو شەخسییەت و ڕوٙڵو کاراکتەرەکاش دیاریکەردەن کە چەنیو فەزاو ڕوٙمانەکەی سازگاریٛ با! ڕووداوەکیٛ پاجوٙرە ملاوەروٙ کە ویٛش گەرەکشا نە ئانە کە وانەر چەمەڕاش کەروٙ! دەسپنەکەردەکه و ڕوٙمانەکەی یوٙ جەخاڵە ئەریٛنییەکا ئی ڕوٙمانەینە، بەڵام ڕاوی هەر زوو یاونوٙت بە بەرزتەرین یان حەساستەرین یاگیٛ ڕوٙمانەکەی (نوقتە عەتف) کە یاوای پەروانەیا بە ئەنوەری! هەر چن پاسە بەرگنوٙ چنیو مەرگو پەروانەی حەز و تامەزروٙیی وانەریچ مروٙ، بەڵام ڕاوی پیٛسە دانای کول ژیرانە نمازوٙ ئا حەزە مروٙ و بە دروسکەرده و گیٛرە و کیٛشەی سەرنجکیٛش ( (confliction) فەزایوٙ پەڕ جە دڵهوڕە و چەمەڕوانی وەش کەروٙ کە وانار ناچار بوٙ جاریوٙتەر گنوٙ چنی ڕووداوەکا و پەیجوٙرو چارەنوېس کاراکتەرە سەرەکییەکا بوٙ! پەیجوٙر بییەی پەی چارەنوېس (ئەنوەری و وڵکلەی) کە کریوٙ واچمۍ ئینە ئا یاگیٛنە ڕاوی بەشیٛویٛوی عال لکه و ڕوٙمانەکەی کەروٙوە (گرە گشایی) .
ڕەفعەت مورادی.[1]
ئەڤ بابەت ب زمانا (هەورامی) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
ئەڤ بابەتە 332 جار هاتیە دیتن
ڕایا خو دەربارەی ڤی بابەی بنڤێسە!