دیموکراسی یانی چېش؟
دیموکراسی واچۍ یونانېیەنە، جە دوۍ بڕگا پېکئامێنە، (دیمۆ) بە ماناو خەڵکی، (کراتوس) بە ماناو دەسەڵاتی مێ، یانی دەسەڵاتو خەڵکی، یان دەسەڵاتو گەلی.
سیستەمو دیموکراسینە دەسەڵات ئینا دەسو فرەو خەڵکیۆ، ئازادیە تاکی و فەرهەنگی و کەلتووری و سیاسیەکۍ فەراهەم کریێنۍ، خەڵک مافو دەنگدایش هەن، مافو وۍ هۊرچنیەیچش هەن، دیموکراسی جە سیستەمو سەرمایەدارینه یانی دسەڵاتو چینی بورجوازی ملو فرەو خەڵکیرە، دیموراسی دوۍ دیمېن، دیمە زەریفو جوانەکەش، فەراهەم کەردەی مافو دەنگدای و هۊرچنیەی، مافو ۋانای، چاپەمەنی، نویستەی، گېڵای، ئازادی، ئایین، ...هتد جە سیستەمو دیموکراسینە وەردەسېنی، بەڵام دیمە ناشیرینەکەش: گرڎ کەسێ جە هەر پلێوە کۊمەڵایەتینە مەتاوۊ وېش هۊرچنۊ، کە ئانەیچە ئازادیێ تەندرووس نېیەن، چوونکوم حیساب پەی کەسی بېیەی کەسی وۍ هۊرچنی نمەکریۊ، گەر کەسێ جە پلێوە نزمەی کۊمەڵینە بۊن مەتاوۊ وېش هۊرچنۊو بلۊنە دلۍ باڵاتەرین پلەو دەسەڵاتی، دیسان ناشیرێنیێ تەرو دیموکراسی ڕەهایی کەردەی ئازادیەکان، کە بەرهەمو ئانەیچه کرمۊڵ کەردەی قەڎو لاشەو کۊمەڵین، سەرەڕاو ئینېشا چڼین کەم و کوڕیۍ ئینێ لاشەو سیستەمو دیموکراسینە کە بە ئاشکەرا زەرەرشان پەی کۊمەڵی بەرکۆتەن.[1]