-شەهدا دینی -
فەرزه لسەر مرۆڤێ ئێزدی بەری بنڤت شەهدا دینی بدەت ، ئەڤە ژی ژ ترسا مرنێ ، دا کو جانێ خۆ حەلال بکەت . و دڤی تەرزیدا ناڤێ خودێ و تاووسی مەلەک و خاس و چاکێن ئێزدیان و شێخ و پیر و مەرەبیێ خوە دئینیت, شیخادی ل دوماهیکا چەرخێ پێنجێ ل پەرستگەها پیرۆزا #لالش# ئەڤ دەقێ شەهدا دینی ژ ئێزدیان را دانایە :

ب دەستوری خودێ
هەر ئەوه هەر ئەوه
نه خوارنه و نەخەوه
شەهدا دینێ من ب ناڤێ خودێ و تاووسی مەلەک دبیت رەوا
* * ‌*
شەهدا دینێ من ئێک ئەلا مەلک شێخ سن حەق حەبیب ئەللا
مەقلوب مەرگەﮪ سه لا
* * *
سلاڤێت مە ل : لالشێ ، مەقلوبێ ، مەرگەهێ
جۆتێت قوبا ، ل وی ئەردی ، ئەردێ ئێزدیخانێ
سەر دکێشنە بەر شیخادی ، عەبادەتێ سجودەتێ
* * *
سلتان ئێزی پەدشێ منە
تاووسی مەلەک شەهده و ئیمانێت منە
کانیا سپی مۆرا منه
کاف و مغار زمزم حەجا منه
قوبلەت بدۆر قوبلەتا منە
شیخادی پاشایێ منە شێشمس مەسەبێ منە
بینایا چاڤێت منە
مەم شڤا پیرێ منە
ناسردین شێخێ منە
عبدولرەحمان مەرەبیێ منە
ناسردین خودانێ منە
***
ئەلحەمدوللا ژ ئادیا
ڤاڤارتين ژ کافرا ژ رافيديا
ئەم هاڤێتینە سەر پشکا سونيا
* * *
منەتکارێن ژ مێرا
ڤاڤارتين ژ کافرا ، ژ خەنزیرا
ئەم هاڤێتینە سەر پشکا شێخان و پیرا
* * *
منەتکارێن ژ منەتێ
ڤاڤارتين ژ کافرا ، ژ شرعەتێ
ئەم هاڤێتینە سەر پشکا سونەتێ
* * *
هەکه خودێ کر ئێزدی نە
سەر ناڤێ سلتان ئێزینە
ئەم ب ئول و ئەرکانێت خو د رازینه
ئەم د کێمن خودێ یێ تەمامە .
[1]