دڵ چکۊ وەشا، ئاگە وەشا.

وەشی هەر یاگێ، بە فرەیی پېوەڼییش نېیەن بە جوانی یاگەکېوە، بەڵکو پېوەڼییش بە دڵو کەسەکاوە هەن، وەشی ئینا دڵەنە، گەر دڵ وەش نەبۊ، هیچ یاگێ وەش نېیەن.
گەر تەماشە بکەرمۍ و سەرنجە بڎەیمۍ، وینمۍ یاگۍ چامنۍ هەنە بە ڕواڵەت فرە گولەنە، بەڵام وەختێ کەسەکا دۊنمۍ بە جېیاواز باسش کەران، لاشاوە فرە وەش هەنە، چوونکم یادگاریێ فرەشا چا یاگېنە هەن.
مروڤ گەر یانەو وېچشەنە ئارام نەبۊن، دایېم دلۍ ئاژاولانە بژیوۊ، دڵش چەنە وەش نېیەن.
پېسە مزانمۍ وەشی مروڤی ئینا ناخەنە، نەک چواردۆرشەنە، گەر ناخش گەش و وەش بۊن، ئانە ڕۊخساریچش هەرپاسە گەشەن.[1]