پەیین کەردەی:
ئاشکەران، مروڤ چەنی پېویسش بە خوراکی هەن پەی گوزەرنای ژیوایش، دار و درەختیچ عەینو چېوۍ پەنەۋازیشان بە خوراکی هەن، بەڵام خوراکو دار و درەختی جە هینو مروڤی جیاوازەن، بە تەرزێ گردین چا مادە ئەندامیا پېکئامان کە ئینێ دلۍ زەمینینە یان جە ڕاو پەین کەردەیۆ دریۊشان پەنە، پەیین بە گردین دوۍ جۊرېن:
1-پەینو ئاژەڵی
2-پەینی کیمېیاوی پېسە (یوریا، نتراتی ئامونیوم، سوپەر فۆسفات) .
هۆرامیەکۍ هەر زوو هەسشان بە پەنەۋازی پەیینی کەردەن پەی باخەکاشا، کە (سۆرۊ ئاژەڵ) یشان بەکار ئاردەن، کە بڕێ خاس مادە ئەندامیەکېش چەنەنۍ، کە پەنەشان ماچان (مەوادی عجوی) .
هۆرامیەکۍ سوودشان جە سۆرو (پاشەڕو) ئاژەڵەکاشا گېرتەن، دلۍ گۆڕەکانە ئاستەنشاوە پەی فەسڵو وەهاری، چوونکم پەیین کەردەی جە وەهارەنە دەسپەنە کەرۊن، دلۍ گۆڕەکانە کۊکریۊوە و بە بەرزە وڵاخ بارش کەران و بەراش پەی دلۍ باخەکاشا، چاگە چواردەورو نەمامەکارە کریۊرەو وەڵاکریۊوە.[1]