باخچێوە بېگەرد
نویستەی: میرزا ئۆلقاڎرو پاوەی
بەشۍ دوەسەڎ و یەکەمە
ئەبوتالیب ڕوەش کەردە حەزرەتی و ماچۊ: ئەی فەرزەندو وېم، چەنی قوڕەیشیەکا سوڵحە کەرە، تۊ دین و وېت، ئاڎییچۍ بتۍ وېشان، پەی ئانەی چێودمای هەقشان نەبۊ سەرتۆ.
چوون ئەبوتالیب شنەفت ئەی خەبەر
تەڵەب کەرد حەزرەت شای خەیرولبەشەر
وات: ئەی فزەند ڕەنگبافی قوڕەیش
سەنادیدی قەوم ئەشرافی قوڕەیش
یەکسەر گرد جە نۊ ئیلتیماس داران
ئاخر هەم لوتف وە چەم مەداران
سڵح و سەلاحەت بکەر چەنیشان
ئەوان وېشان بتخانەی وېشان
تۊ هەم مەشغووڵ بەر چەنی ئەمری وېت
جەی دما کەسێ دەخڵش نەبۊ لېت.[1]