Di salvegera 3ʹyemîn de, şehîdên êrişa li kolana Wehda ya sûka bajarê #Qamişlo# hatin bibîranîn.
11ʹê Mijdara 2019ʹan li Kolana Wehda ya bajarê Qamişlo bi erebeyeke bombebarkirî êrişek hat kirin. Di encamê de 5 kes şehîd bûn; (koordînatorê çalakiyê yê Desteya Çand û Hunerê ya Herêma #Cizîr#ê Xalid Mihemed, nûçegihana Şaredariya Gel a Qamişlo Zozan Şêxo, Medîna Mihemed, Amir El Elî, zarokê bi navê Nûbar Îbrahîm), her wiha bi kêmanî 20 kes birîndar bûn. Cenazeyên şehîd Amir El Elî, Medîna Mihemed, Zozan Şêxo û Nûbar Îbrahîm li goristana şehîdên sivîl a li bajarê Qamişlo hatibûn veşartin. Cenazeyê şehîd Xalid Mihemed li Goristana Şehîd Dilşêr a Tirbespiyê hat veşartin.
Di salvegera sêyemîn de şehîdên teqînê li goristana şehîdên sivîl a Qamişlo ji aliyê dehan kesî ve hatin bibîranîn.
Piştî deqeya rêzgirtin, hevseroka Şaredariya Gel a Qamişlo Emel Şemdîn axivî û got: Di kesayeta van şehîdan de em hemû şehîdên azadiyê bi bîr tînin. Van şehîdan mohra xwe li ked û têkoşîna di nava saziyên Rêveberiya Xweser de xistin. Teqîna ku çêbû, yek ji rêze sûcên komên çete û dewleta Tirk a dagirker ên li dijî gelên Bakur û Rojhilatê Sûriyê û hewldanên wan ên têkbirina projeya neteweya demokratîk e.
Emel Şemdî soza şopandina xeta şehîdan da û got: Em di wê baweriyê de ne ku em ê bi ser bikevin.
Merasîm bi derzkirina dirûşmên Şehîd namirin bi dawî bû.[1]
AN