تلووع کەر جە نۊ، تلووع کەر جە نۊ
فێدای تەلعەتت، تلووع کەر جە نۊ
هەر کەس وە شێوەی عەشقت پەی بەرۊ
شېتەن جە عەشقت، لۊمەو من کەرۆ
بەو شێوەی شیرین کۍ بۊ جەلای تۊ
نەدا فام و هۆش مەگەر وەحش کۊ
تای زوڵفت نە پای ئەبروت پەخشان کەرد
ئەسرین، دامانم وە بەدەخشان کەرد
وەبۊی نەسیمش نەشئە بیم وەشاد
ئەسڵەن ڕووی دووریم نەمانا وەیاد
دەماخم سەروەش چون سەوزەی ساوا
کەیفم سەر وەپای فەڵەک مەساوا
ناگا پیشانی دڵ داش و هەمدا
پەیاپەی ئەسرین ئامام وە چەمدا
ئازیز یە ئەفسوون مەهجووری تۊ بۍ
یە موڵکێ نارێ ڕووی دووری تۊ بۍ
هەی ڕای حەیاتم توڕڕەی دیدە مەس
های، نە کەردە بوت وەرنەدەی جە دەس
#ئەحمەد بەگی کۆماسی# [1]