داهاتوو چۆن ئەبێ؟
لە کتێبی: #قەڵای ڕاز#
بەرهەمی: #ژیلا حسێنی# (1964-1996)
نەمئەزانی خۆشەویستیت
ئەو ئۆخەیەی یەکەم ڕۆژانی دیتنتم
لێ ئەگۆڕێ بە هاواری
سووتام...برژام
نەمئەزانی
ڕۆحم ئەبێ بە کۆڵەکە و
لاولاوی هەناسەی ساردم
بە باڵایا هەڵئەگەڕێ
ئەو ڕۆژانە
پێکەنینی فریشتە بوو
ئەستێرە و گوڵ و جوانی بوو
بە سەرمانا دائەباری
کەی ئەمزانی
ئەم ڕۆژە دێت.
تاسەی دووریت، زریانی عەشق و دڵداریت
ئەم شاخ ئەو شاخم پێ ئەکات.
#سنە# - #1995-04-10#
[1]