کلکەی مێجان
دەکەوێته ڕۆژئاوای چیای #قەرەچوغ#، نزیک گوندی #مشار#[1]، پێشی دەڵێن: (گردی میجان) یان (سێ قیتکان)، زرار مشاری لە ئەکاونتەکەی خۆی لە تۆڕی کۆمەلایەتی فەیسبوک نوسیویەتی:
لە بناری ئەم گردە لەگەڵ باوکی ڕەحمەتیم بەرد بە بەرد و تاشە بە تاشە بەردمان بژارکردوە تاوەکو بە هەوجاڕ کێڵادرا، خۆی خاکێکی ڕەق و بەردەڵانە بارانێکی زۆری دەوێت ئەگەرنا بە چەنگەڕنە دروونەمان لێدەکرد، ئێستاش خاوەنی زۆرە، وەک سەنگەری پێشەوەی پێشمەرگەیە، بەرزە و دەڕوانێتە دەشتی گوندی مشاری بێناز و تا دەگاتە بینینی ڕوبار و گوندەکانی (معێجیلە) و (وادی غوراب) و (#کێلەشین#) ی لانکەی سارمەمیان، دەیان ساڵە لە خەڵکەکەی حەرامکراوە بەهۆی شەڕ و ئاشوبی بەردەوام، هێشتا چاومان لێیە بگەڕێینەوەو تێربۆنیکەین، مخابن کەس خۆی لێنەکردە خاوەن و هیچی بۆنەکراوە، باوکم و براکانم و چەندین لە خزمانم بەرامبەر ئەم گردە لەبناری قەرەچوغ مەزار وگۆڕیانە.[2]