#بافڵ جەلال تاڵەبانی# بەبۆنەی ساڵیادی دامەزراندنی #یەکێتی مامۆستایانی کوردستان# ەوە بروسکەیەک ئاڕاستەی مامۆستایان دەکات و ئاماژە بۆ ئەوەدەکات، یەکێتیی نیشتمانیی کوردستان بەرامبەر ئه و هەڵوێستە جوامێرانەیان وەفادار دەبێت و بەڵێنتان پێدەدەین هەموو هەوڵێک بدەین لەپێناو دەستەبەرکردنی مافەکانتان.
دەقی بروسکەکە..
بەبۆنەی ساڵیادی دامەزراندنی یەکێتیی مامۆستایانی کوردستانەوە پیرۆزباییەکی گەرم ئاڕاستەی مامۆستایانی کوردستان دەکەم و هیوای سەرکەوتنتان بۆ دەخوازم.
ئەمڕۆ بە ڕێزەوە یادی هەموو ئه و مامۆستا تێکۆشەر و ماندوونەناسانە دەکەینەوە کە ڕۆڵێکی گرنگ و کاریگەریان گێڕاوە لە مێژووی خەباتی سیاسیی گەلەکەمان و هاوشانی پێشمەرگە قارەمانەکان قوربانیی گەورەیان داوە لەپێناو خاکی کوردستان. مێژووی شکۆداری مامۆستایان لە پێشخستی ڕەوتی خوێندن و پەروەردەکردنی نەوە یەک لەدوای یەکەکانی کوردستان لەبیر ناکەین و لەبەردەم ئه و مێژووە زێڕینەدا سەری ڕێز دادەنەوێنین.
لە ساڵانی ڕابردوودا مامۆستایانی خۆشەویستی کوردستان بە دۆخێکی سەختی داراییدا تێپەڕین، بەڵام بە دڵسۆزی و پشوودرێژی خۆیان بەردەوامییان بە ڕەوتی خوێندن داوە و بەردەوامبوون لە پرۆسەی فێرکردن و دروستکردنی نەوەیەکی نوێخواز. یەکێتیی نیشتمانیی کوردستان بەرامبەر ئه و هەڵوێستە جوامێرانەیە وەفادار دەبێت و بەڵێنتان پێدەدەین هەموو هەوڵێک بدەین لەپێناو دەستەبەرکردنی مافەکانتان.
هەر شاد و سەرفرازبن
بافڵ جەلال تاڵەبانی
#15-05 2022#
[1]