مەلە و گەرمای هاوین
ئای لەم گەرمای هاوینە!
خۆرەکەی چەند بەتینە!
لەشمان خاودەکاتەوە
خەویش دەمانباتەوە
چاکتروایە وریابین
بەرگی تەمەڵی لابەین
بچین بۆ مەلەوانگە
جێی منداڵی چەلەنگە
بە یاری خۆشی ناو ئاو
دووربین لە تینی هەتاو
مەلە بکەین ڕۆژانە
بۆ پتەوی لەشمانە
چونکە لەشمان جوان دەکات
ڕوومان ئاڵ و گەش دەکات
لە گەرما ڕزگاردەبین
دوور لە نەخۆشی دەبین
مەلە خۆشە بیزانین
بۆ گەرمای ڕۆژی هاوین
پەرتووکی #خەیاڵی کۆترەکان#
#فەرهاد ئەحمەد بەرزنجی# [1]
ئەڤ بابەت ب زمانا (کوردیی ناوەڕاست) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەتە 726 جار هاتیە دیتن