کچ لۆيە چاکن، پينەکەريان داکن
کورد دەمێکە وتويەتی(داکێ ببينە و کچێ بخوازە) واتە بەشێکی زۆر لە ئەدگار و خاسيەتی کيژ وکچان دەچنەوە سەر پەروەردەی دايک و گۆش و فرچکی ئه و ژنەی لە بيروهۆش ودەمی نراوە، دايک کە هەندێک حاڵەت توشی کچەکەی دەبێت لەبەر ئەوەی بۆخۆشی بەمناڵی و گەنجی توشی بووە بۆيە بۆ کچەکەی دەپۆشێت و بيانوی ئەوتۆی بۆ دەدۆزێتەوە کە دوچاری کێشە و گرفتی نەکات و ڕێگە چارە و دەروازە و دەرچەی دەربازبوونی بۆ دەبينێتەوە، ئەمەش واتا کچان هەمويان چاک و بێ گەرد و ڕەوشت جوان و بەرز نين بەڵام هەر هەنگاوێکی هەڵەيان هەبوو بێت دايکەکەيان بۆی داپۆشيون و ئاڕاستەی هەنگاوە هەڵەکەی بەبارێکيتر بۆ پينە کردوون و ‌سەرەنجام بە چاکەی کچەکەی کۆتايی بە بابەتەکە هێناوە، کورديش باش له و حاڵەتە تێگەييوە و بەدەربڕی کوردەوارييەوە وتويەتی(کچ لۆيە چاکن، پينەکەريان داکن).