هۆزانڤانی کلاسیکی یێ بەهدینان مەلا مەنسوورێ گێرکاشی، ژ ناڤێ وی دیارە کو خەلکێ گوندێ گێرگاشێ یە، کو گوندەکێ بچوکە دکەڤیتە سەر سینگێ چیایێ گارەیێ سەر بلند، بەرامبەر کەلها ئامێدیێ یا دێرین ل لایێ ڕۆژهەلات کو گوندەکێ هەلکەڤتی یە و گەلەکێ جوان و بلندە، نەمازە ل بهارا و مرۆڤ ل گوندێ گێرکاشێ هنداڤ ڕیبارێن زێ ی و سپنێ بەهدینان و دەڤەرەکا ناڤدارە ب دەشتازێ، ڤی جهێ هەرسێ دەمێن سالێ یا کەسک و خەملاندی یە ب کەسکاتی و جوانیێ و لڤی جهێ هەلکەڤتی ل بن گوپکا چیایێ گارەی ب ڕەخ گوندێ گێرکاشێ ل بانیا ب ڕەخ گوندی ڤە دبێژنێ (خەلفو) کو خەلفو و گێرکاشێ وەکی خەلکێ گوندێ گێرکاشێ دگوت (خانیەک و دوو دەرگە) پشتی چوینە گوندێ گێرکاشێ و سەر کانیا وێ یا تەزی ڕونشتین ئەوا نخافتی ب دارێن گویزا و ل بەردا زەڤیێن پان و بێ شینکاتی ئەزو چەند گوندێین سپیندارێ و گێرکاشێ ل شینوارێ هۆزانڤانێ مەزن (مەلا مەنسوورێ گێرکاشی) گەریاین و چووینە کاڤلە گوندێ خەلفو و ئاڤ گۆڕستانا گوندی گەریاین یا پڕ دارێن کەڤنار چووینە مزگەڤتا مەزن ئەوا ب ڕەخ گۆڕستانێ ڤە کو مەلا مەنسوورێ گێرکاشی ل ڤێ مزگەڤتێ خاندنا خو یا فەقاتیێ دەست پێ کریە و باش هاتیە ل خواندێنگەهێن ئامێدیێ میرگەها بەهدینان خواندی یە و بوویە مەلایەکێ (دوازدە علم) و پاش چووینە شینەوارێن قەسرا وی کو تا نوکە ب هشکە بەری مایە. ئەو دەمێ هۆزانڤان مەلا مەنصورێ گێرکاشی تێدا ژیایی: تا نوکە ب درستی ژیانناما هوزانڤان مەلا مەنصورێ گێرکاشی نەهاتیە تومارکرن ژبلی ناڤێ وی کو (مەنسوورە) و ناڤێ بابێ وی نەهاتیە زانین و ناڤێ گوندی وی کو (گێرکاشه) ل دیڤ ناڤێ وی دهێت و ل سالێ دایک بونێ و مرنێ نەیا دیارە ژ بلی کو هەڤچاخێ هوزانڤان مەلا حسێنێ باتەیی یە ئەوێ هندەک تۆرەڤانا گوتی ل سالا (820) ێ مشەختی یان ل سالا (1417) ێ زاینی ژ دایک بوویە ل دویف بیروباوەرێن کو هەین ل سالا (900) ێ مسشەختی یان ل سالا (1495) زاینی ئانکو ل سەدێ پازدێ وەغەرکریە، ئەف چەندە ب وێ چەندێ دهێتە زانین کو هۆزانڤان مەلا حسێنێ باتەیی بەریکانەکا هۆزانێ دگەل مەلا مەنسوورێ گێرکاشی هەیە و ئەڤ جەندە بومە دیەر دکەت کو هەڤجاخێن ئێک بوینە و مەلا مەنسوور ل سەدێ پازدێ ژیایە، گۆڕێ وی نەهاتیە زانین کو ژبلی هندەک کەس دبێژن گۆڕێ وی ل باژێرێ ئامێدیێ یە و ل ناف مزگەفتا (شێخ مەنسیر) هاتی یە ڤەشارتن و ئەڤ مزگەفتە تا نوکە مایە و ب ناڤێ (شێخ مەنسیر). گێرکاشی ژ هۆزانڤانێن بەرکەڤتی و بناڤ و دەنگ بوویە ل دەڤەرا بەهدینا وچارنکارێت وی وەکی هەکاری و بوتان ئەو ژی وەکی باتەیی بوویە دڤەهاندن و دارێتن و لێک ئینان و سەنگاندن و کێشانێ، هەروەسا دبیر تیژی، ئاشوپ فرەهی و ئاواز سازو خوش و دلڤەکەریێ دا، ئەڤ بسپۆرێ شەرەزایێ و مەلەڤانی ڕەوانی ژ هەلبەست و هوزانێت کوردی دا کو چەندین لایەنێن کرنگ بەحس کری یە.
ئەڤ بابەت ب زمانا (کوردیی ناوەڕاست) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەتە 5,580 جار هاتیە دیتن