ئێکە ژ گوندێن سەر ب عە شیرەتا زێباریا ڤە و دکەڤیتە باشورێ رۆژهەلاتا کومەلگەها سیریێ و ژلایێ ئیداریڤە دکەڤیتە سەر ب قەزا ئاکرێ ڤە بەلێ ژبەر نێزیکیا گوندی بودەڤەرێ چەند کاروبارێن وان یێن ئیداری نوکە ژلایێ قەزا ئامێدیێ ڤە دهێنە برێڤەبرن. گوندێ هلورا ژ چار بنەمالا پێک دهێت و ژ (90) سەرۆک خێزانا و (571) کەسا پێک هاتییە ئەڤ گوندە چار جارا ژلایێ رژێما بەعس ڤە هاتیە سۆتن و وێران کرن تا نوکە ژی نەهاتییە ئاڤاکرن بەلێ دئەف سالە دا پڕۆژێ کارەبێ و بیرەکا ئاڤێ و چێکرنا جادێ ژلایێ حکومەتا هەرێما کوردستانێ ڤە لێ هاتینە ئاڤاکرن بێی کو مالێن وان لێ هاتبنە ئاڤاکرن.نوکە مالێن وان ل کومەلگەها سیریێ و باڵندا و دینارتێ وئاکرێ دبەڵاڤەنە و چاڤەرێ ئاڤاکرنا گوندی نە ژین و ژییارا وان لسەر خودانکرنا تەرشو تەوالی و چاندنا دەخل و دان و برنجی بوو کو ژ گوندەکێ ئاڤی دهێتە نیاسین. جهێن دێرینێن گوندی ژی ب شینوارێن(خالانەی) ب ناڤ و دەنگە کو ئاشەک و پرەکا دێرین یا بناڤ و دەنگە، هەروەسا دەشتا هلورا کو دەشتەکا پان و فرەهە کو سالانە ئاڤی دکەن. ئەڤ گوندە ب شێخا یێ ب ناڤ و دەنگە کو شێخێن وان چارەسەریا نە ساخا دکر.تانوکە ژی شێخ قەهار چارەسەریا نەخوشیێن دەڤ خاریێ دکەت.