قەولێ مەرسوما باری
ب دەستوری خودێ
هاتیه مەرسوما باری
دەرەوین غەزەب لێ دباری
جیێ وی دۆژەیا تاری
* * *
ئه و مەرسوما جەبێرە
درۆزن روحا نەکەرە
جهێل بت ئان ژ پیرە
* * *
هات مەرسوما خودێیە
درۆزن ل دۆزە خێیە
هەوار داد بێ معفێیە
* * *
هات مەرسوما تەعالا
بۆ هەموو پیر و کالا
گوهدێرنە ڤان گالا
* * *
درۆزنی نە حەبێنن
دێ ب گوڕێ قەلینن
شفعەت ژ وانرا نینن
* * *
درۆزن بێ باوەرە
دوپشکەکی داهره
یه کفریه ، کافره
* * *
دۆژە بۆ وان خۆش وارە
جەم یەزدانی نه یاره
جار لێدانە ، جار ناره
* * *
هات مەرسوما یەزدانی
یێ راستیێ بزانی
ژ وی را رەحما رەحمانی
* * *
گۆیا راستیێ نەباتە
بەهشت بۆ وی خەلاتە
ڕاستی رێکا نەجاتە
* * *
هات مەرسوما غەفاری
دەرەوێ مەکه چو جاری
بە‌ر خەزەبا جەباری
* * *
هات مەرسوما تاووسی
ب چڕ ڤە ئاگر بروسی
ددەستی دا شیرێ روسی
* * *
هات مەرسوما ئیزدی
درۆکەرێ هەنەدی
بسۆژن هێد_هێدی
* * *
هات فەروارا شێ سنی
مەلەکێ ئینس و جنی
بەرێ راستی دێ چنی
* * *
فەروارا شێخ تەبرێزە
بۆ وانە خەنارێژە
ئه و راستگۆیێ بەرێزە
* * *
قەره فەخرێ فورقانی
فەروارەک ئەوی ئانی
ڕاستبێژی ل جەم خاقانی
* * *
فەروار دابو چار سوڕا
بخەملینن بەهشت بۆرا
دەرەوێ نەکەت چو جۆرا
* * *
هەموو عەمرێ یەکتایه
دەرەوێ نەکەن ب تەبایه
مینا یاره خۆ دایە
* * *
ژ قەولێ پیر رەشێ حەیران
گوﮪ بدەنە ڤان پەیڤان
ئەڤەیە رێکا یەزدان
* * *
ڤێت مە هەبت ئەڤ کامە
هەر دێ ڤەخۆین ژ جامە
ئەم د کێمین خودێ یی تەماما
[1]
اێ مەقاڵە أ زوون (کرمانجی - کوردیی سەروو) نۆیسیائە، أڕا واز کردن بەخش أ زوون بنچێنە(اصلی)!أڕؤی آیکون
کلیک کەن
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
اێ بەخشە 10 گل سئرکریائە(دێینە)