بارش شیشېنە:
ئیدیۆمێن، بە دوۍ تەرزۍ بەکارمێ و واچیۊ، پەی نموونەی گەر چن نەفەرێ بە سواری ماشینێ بڕاگنا، ژەنېوە لەم پەڕەشا چەنی بۊ، کابرای خۊڕنەر بە یەواشی خوڕۊ ۋەنە، یان نەفەرەکۍ پەنەش ماچان: وەش خۊڕە ۋەنە بارەکەت شیشېنە، یانی نەک زەرەر بېیاوۊ بە ژەنە لەم پەڕەکۍ و لەمەکېش ۋزۊ.
دیسان هەر پېسە ئیدیۆمێ پەی کەسێ بەکارمێ هەکە بار و زرووفش ناسک بۊن، پەی نموونەی گەر کناچۍ فرېش بان، ئەچانەیۊ ئامان کە دلۍ کەلتوورو ئېمەنە ژەنی فرە بە ناسکی وېنا کریۊن، ژەنی ناسکەنەو پېسەنە شیشۍ، گەر مەڕیا، ئیتر لکایۆش زەحمەتەن.[1]