دوالیپا هونەرمەندی ناسراوی بەریتانیایی لە پەیامێکدا وتوویەتی کە هەواڵێکی زۆرمان لەسەر مەرگی تراژیکی #ژینا ئەمینی# پێ گەیشتووە و ژینا لە کاتی مەرگیدا لەلایەن پۆلیسەوە بەڕواڵەت بەهۆی لەژێرپێنانی یاسای حیجاب دەسبەسەر کرابوو.
ناوبراو لە درێژەدا دەڵێت: ''ئێمە وێنەی ژنانێک دەبینین کە لە شەقامەکاندا بە بڕینی پرچی خۆیان و سووتاندنی لەچکەکانیان ناڕەزایەتی دەردەبڕن، یەکێک لە بەهێزترین و ئیلهامبەخشترین شتەکان بووە کە لە ماوەی ساڵانێکی زۆردا چاوم پێی کەوتووە و یەکێک لە هاندەرە گەورەکانم مافی ژنە کە ئێمە هەوڵ دەدەین لە پادکەستدا دەری بخەین و بینینی بوێری ئەو ژن و پیاوانەی کە پشتیوانییان لێ دەکەن و بە ڕیسکێکی زۆر گەورەوە دەنگ هەڵدێنن، سەرسامکەرە''.
ئەو هونەرمەندە لە کۆتایی پەیامەکەدا دەڵێ: ''دەزانم هەنووکە دەستپێڕاگەیشتن بە ئینتێرنێت لە ئێراندا ئەستەمە بەڵام ڕوو لە هەموو خەڵکی ئێران دەکەین و دەڵێین ئێمە دەتانبینین، ئێمە دەتانبیسین و لە هاوپەیوەندی لەگەڵ ئێوەدا دەمێنینەوە، بەرخودانی ئێوە وەبیرمان دێنێتەوە کە پێویستە ئازادی هەمیشە خەباتی بۆ بکرێت و ڕوونە کە قەت نابێ پێشێل بکرێت''.
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
![](https://www.kurdipedia.org/images/flags/ku.png)
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 1,645