تەنیا خەرمان ئاگر تێ بەردان دەزانێت
کۆکردنەوەی سوارە و مەڵۆ و گیشە و گەڵاوێژی گەنم و جۆیە لە شوێنێکدا، ئامادەکرابێت بۆ گێرە و کوتان، خەرمان واتە بەرهەمی دانەوێڵەی یەک ساڵ زیاتری جوتیاران، لە دوژمنداری و نەیاری و ناحەزیدا، لە کۆندا پیاوانی ئاغا و شێخ و مەلا و سەید و دەربەگەکان، بەکاردەهاتن بۆ سووتاندنی خەرمان، ئه و ئاغایانەی کێ بەرکێی یەکتر بوون یان ئه و کرمانجانەی ئازا و سەر ڕاستبوونایە، شەوان لە دیوەخانەکانەوە فتوای خەرمان سوتانیان بۆ دەردەچوو، هەم جوتیاری کرمانجی سەر ڕاست هەمیش دەرەبەگی ڕکابەر بە سوتانی خەرمانەکانیان دەهاتنەوە سەر ساجی عەلی و هەژار و دەست کورتی ساڵ دەردەچوون، ئه و خەرمان سوتاندنە زۆر دەنگی داوەتەوە لە کوردەواریدا بۆیە لە ئیدیۆمدا جێگەی بۆ کراوەتەوە، ئەوانەی کە خەرمانی خەڵکیان سوتاندووە، مرۆڤی دەرباربوون، پوشخۆر و کاخۆر و چڵکاوخۆر و کاسەلێس و گوێ لەمست، دەبەنگ و کەودەن و کاڵفام و بەرماوەخۆر بوون، هیچ چاکەیەکیان لێ نەوەشاوەتەوە، هەموو کاتێکیش دەستی خراپەکاریان ماچ کردووە، به و مرۆڤە بەیدوم وزمان و دڵ و دەست ڕەشانە کە بۆ کاری خراپە بەکارهێنراون وتراوە: تەنیا خەرمان ئاگر تێ بەردان دەزانێت.[1]
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 1,264