لە #کۆیە# نزیکەی 140 کەس بە تۆمەتی بەکارهێنان و بازرگانیکردن بە ماددەی هۆشبەرەوە دەستگیردەکرێن کە چەند کارمەندێکی هێزە ئەمنییەکانیان تێدایە.
عەمید کارزان محەمەد عەلی لێپرسراوی بەشی ماددە هۆشبەرەکان لە بەڕێوەبەرایەتیی ئاسایشی ڕۆژهەڵاتی #هەولێر# ڕاگەیاند: لە ماوەی ئەمساڵدا 140 کەس لەناو کۆیە و بازگەکانی کۆیەدا دەستگیرکراون بەتۆمەتی بازرگانی کردن و بەکارهێنانی ماددەی هۆشبەر.
عەمید کارزان محەمەد ئەوەشی گوت: لەو ژمارەیە نزیکەی 30 کەسیان خەڵکی کۆیە و ناوچەکانی دەوروبەین کە سیانیان بازرگانی ماددەی هۆشبەرن، ئەوانی دیکە خەڵکی شارەکانی دیکەن بەتایبەتی هەولێر. بازرگانێکی دیکەش خەڵکی #ڕانیە#یە.
بە گوتەی لێپرسراوی بەشی ماددەهۆشبەرەکان لەنێو دەستگیرکراوەکاندا چەند کارمەندێکی پۆلیس و ئاسایش هەن، چەند کەسێکیش سەر بە هێزەکانی پێشمەرگە بوون و ئالوودەی ماددەی هۆشبەربوون.[1]
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 1,945