مارە بەجاش- مارە بەجاشی پێکراوە
پياوێک ئەگەر شەيتان بهاتبايە کەڵلەيی و زەفەری پێ ببردبايە يەکسەر لەکاتی توڕەبوون توڕەيی وەک ڕەشەبا بيری دەکوژاندەوە و سێ بەسێ ژنەکەی تەلاق دەدا، لەکاتی ساردبوونەوە و خاوبوونەوە بە هەردوو لەپی گوی دەخوارد و پەشيمان دەبۆوە، چونکە ئەم نيعمەتەی تازە لێ حەرام وياساغ بووە و جگە لەوەی 2بۆ سێ مناڵی چاوگەشيشی لە ژنەکە هەيە و ماڵ و مناڵ و کاروباريشی پەکی دەکەوت، بەڵام تازە کارلەکارترازاوە و چارەی نەماوە و، بۆيە دەچووە لای مەلای گوندی و حاڵی خۆی بۆ بەيان دەکرد، مەلاش(حيلە شەرع)ێکی بۆ دەدۆزييەوه لەيەکێک لەئايەتەکانی سورەتی بەقەڕە و ژنەی دەهێنايەوە ژێر نيکاحی، بەڵام له و حيلە شەرعيەدا يان کوڕە مەلا يان شوانەوێڵە و گاوانێک يان کەسێکی کەودەن و دەبەنگ و گێڵۆکە و لاپرەسەنگ ودۆشاو بەگون و هەپرە گون و حولحوليەک نانی دەکەوتە ڕوونەوە و شەوێک دەيانخستە پاوانەوە و باروبارخانەی دەخست و تا ڕۆژ دەبۆوە وەک سابرێنی توڵکن وگای بوغە و بنە مرقە مرق و مشەمش و گژۆ گژۆ و پەڕين و تڕينی خۆی له و پاوانە قەدەغەکراوەی پێشوو، بەڕەڵاکراوەی ئەوە شەوە دەديت، دانگە لەوەڕێکی باشی دەکرد کورد گوتەنی(نان و گان)ی بەلاش و لەمشە بوو، پێناچێت زيندەخەوی له و شێوەی جارێکيتر بۆ دووبارە ببێتەوه، بۆ بەيانيش ژنە دەبۆوە پاوانێکی قەدەغەکراو لە کابرای کەودەن و دەبوايە سێ بەسێ تەلاقی بداتەوە بۆ خاوەنەکەی، ئينجا هەموو ئەمانەش بەمەراسيمێکی ئاشکرا و نهێنی بەرێوە دەچوو بەکابرای حازرەکی دەوترا(جاش) و بەژنەی لێقەوماويش دەوترا(مارە بەجاشی پێکراوە).
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 5,483