بڕیاردەری لیژنەی دارایی لە ئەنجومەنی نوێنەرانی عێراق ڕایدەگەیەنێت 200 هەزار کەس لە هەرێم بە نایاسایی #خانەنشین# کراون، ئەمە جگە لەوەی 430 هەزار چەکدار بەناوی پێشمەرگەوە مووچە وەردەگرن.
ئەحمەدی حاجی ڕەشید بڕیاردەری لیژنەی دارایی لە ئەنجومەنی نوێنەرانی عێراق لە میانەی سیمینارێکدا لە شاری سلێمانی ڕایگەیاند: حکومەتی هەرێمی کوردستان کێشەی ئیدارەی دارایی هەبووە نەک کێشەی نەبوونی پارە و لەدوای ساڵی 2005 ەوە تا 2015 زیاتر لە 100 ترلیۆن دینار هاتۆتە کوردستان و ئەگەر ئەم پارەیە بۆ ژێرخانی ئابووری سەرف بکرایە ئەوا ئێمە ڕووبەڕووی ئەم کێشانەی ئێستا نەدەبووینەوە.
ناوبراو ئاماژەی بەوەشکردوە: کاتێک پارەیەکی زۆر لە بەغداوە هاتووە بۆ هەرێم، بە لێشاو خەڵکی دامەزرێندراوە و ئەوانەی لە ساڵی 2005 لە کوردستان دامەزراون بە ڕێژەی67% بڕوانامەیان لە خوار شەشی سەرەتایی بووە و هەروەها 200 هەزار کەس بە نایاسایی خانەنشین کراون، ئەمە جگە لەوەی 430 هەزار چەکدار بەناوی پێشمەرگەوە مووچە وەردەگرن و هەروەها 960 پلە باڵا خانەنشین کراون بێ ئەوەی دەوامیان کردبێت.[1]
09-11-2017
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
![](https://www.kurdipedia.org/images/flags/ku.png)
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 2,787