دواڕۆژ، بورهان یەحیا
ئەندامەکێ دیکیۆمێنتکرنا تاوانێن #داعش# ژلایێ حوکمەتا هەرێما کوردستانێ خویاکر کو؛ هەتا 20 چەکدارێن کورد دناڤ ڕێزێن داعش ل ڕەخودۆرێن #حەویجە# و #حەمرین# ماینە و چونکو سەرکردایەتییا داعش ئێدی باوەرییا تەمام ب کوردان نینە چ پلەیێن سەربازی و ئیداری نەداینە وان.
مەریوان نەقشبەندی ئەندامێ دیکیۆمێنتکرنا تاوانێن داعش کو ژلایێ حوکمەتا هەرێما کوردستانێ هاتییە پێکئینان بۆ دواڕۆژ ڕۆهنکر کو؛ مابەینا سالێن 2014-2015ێ نێزیکی 500 وەلاتیێن هەرێما کوردستانێ گەهشتبوونە داعش کو 350 ژوان هاتینە کوشتن و 150 یان هاتینە زیندانکرن یان دووبارە زڤرینە هەرێمێ و ب کەفالەت هاتینە ئازادکرن لێ بەردەوام دووڤچۆنا وان دهێتەکرن، ب گۆرەی پێزانینان ژی هەتا 20 چەکدارێن کورد دناڤ ڕێزێن داعش ل حەویجە و حەمیرین ماینە و دناڤ هێزێن دی یێن ئەرەبی دا هاتینە تێکەلکرن چونکو سەرکردایەتییا داعش باوەرییا تەمام ب چەکدارێن کورد نەمایە و وێ هزرێ دکەن سیخۆر تێدا هەنە کو پێزانینان وەکو ڕەسەدیێ ددەنە پێشمەرگەیان، لەوا چ پلەیێن وەکو ئەمیر یان بەرپرسێن ئیداری ڕادەستی وان نەکرینە و بەردەوام ژی چەند چەکدارێن ئەرەب دگەل وان هەنە.
ناڤبۆری ئاماژەکر کو؛ شەڕێ ڕزگارکرنا تەلەعفەر ژدەست چەکدارێن داعش ژلایێ سۆپایێ ئیراقێ نێزیکە، لێ ب گۆرەی پێزانینان چ چەکدارێن کورد دناڤ ڕێزێن داعش ل تەلەعفەر نینن کو شەڕی بکەن و ئه و 20 دانە بتنێ ل سنۆرێ حەویجە و حەمرین ماینە کو ئێک ژ چالاکیێن وان بەری چەند ڕۆژان ل گوندەکێ کاکەییان بوویە کو چەند وەلاتی تێدا هاتنە شەهیدکرن.
11-08-2017
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 9,170