دواڕۆژ، بورهان یەحیا
سەرۆکێ کۆمەلا نەخۆشێن تالاسیمیا ل دهۆک خویاکر کو؛ ب شێوەیەکێ گشتی 1067 نەخۆشێن تالاسیمیا ل دهۆک هەنە و سالانە ژی نێزیکی 15 نەخۆشێن تالاسیمیا ل دهۆک زێدە دبن.
محیەددین عەبدوللا سەرۆکێ کۆمەلا نەخۆشێن تالاسیمیا ل دهۆک بۆ دواڕۆژ زەلالکر کو؛ ل سنۆرێ پارێزگەها دهۆک 913 نەخۆشێن تالاسیمیایێ هەنە و نوکە 154 نەخۆشێن ئاوارە ژی سەر زێدە بووینە و هەر ئه و خزمەت و چارەسەرییا بۆ نەخۆشێن خۆجهێن دهۆک دهێتەکرن بۆ نەخۆشێنئاوارە و پەنابەر ژی دهێتەکرن، هەر چەندە جۆرە بارگرانییەک ژی پەیدا بوویە، لێ ب هاریکارییا بەنکا خوینێ و هەموو خێرخوازێن خوینا خۆ دبەخشن رەوشا نەخۆشێن تالاسیمیا جێگیرە.
ناڤبۆری دا دیارکرن کو؛ هەتا نوکه 57 کەس بۆ چارەسەریێ ژلایێ حوکمەتا هەرێما کوردستانێ بۆ دەرڤەی وەلاتی هاتینە هنارتن و نیشتەگەری بۆ هاتینەکرن و رەوشا هندەک ژوان گەلەک باشە.
محیەددین عەبدوللا ئاماژەکر کو؛ سالانە 10 هەتا 15 نەخۆشێن تالاسیمیا ل دهۆک زێدە دبن و ژلایێ کۆمەلێ ڤە دهێنە تۆمارکرن و پێدڤیێن چارەسەریێ بۆ دهێنە دابینکرن.
09-05-2017
Αυτό το στοιχείο έχει γραφτεί σε (کرمانجی - کوردیی سەروو) γλώσσα, κάντε κλικ στο εικονίδιο
για να ανοίξετε το στοιχείο στην αρχική γλώσσα!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Αυτό το στοιχείο έχει προβληθεί φορές 6,056