نووسەر و ڕۆژنامەوان و مێژووناسێکی کوردە، ساڵی 1934 لەتبلیس لەدایکبووە، ساڵی 1953 قۆناخی دواناوەندی لەتبلیس تەواوکردووە، لە هەمان ساڵدا لە زانکۆی یەریڤان وەرگیراوە و دەستی بەخوێندنی مێژوو کردووە. لە ساڵی 1958دا کراوەتە بەڕێوەبەری قوتابخانە. لە ساڵی 1961 بۆ خوێندنی دکتۆرا لە بواری مێژووی کورددا چووەتە لینینگراد. هاوشانی پڕۆفیسۆر #قەناتی کوردۆ# و حەجیێ جندی و جەلیلێ جەلیل و زۆری تر ڕۆڵێکی بەرچاو و کاریگەریی هەبووە لەناو کوردانی سۆڤیەتدا. لە ساڵی 1955 تا 1994 نزیک بەچل ساڵ لەڕادیۆی کوردی یەریڤان کاری کردووە، هاوکات بەشداری و هاوکاری لە ڕۆژنامە کوردییەکانی ئەوسای سۆڤیەتدا هەبووە و لە ساڵی 1963وە لە چاپەمەنییەکانی ئەرمینیاش کاری کردووە.
مامۆستا ئەشۆ تا ئێستا خاوەنی پێنج پەرتووکە و یەکەم پەرتووکی لە ساڵی 1976 بەناوی مزگێنی بڵاوکراوەتەوە و سەدان وتاری بە زمانەکانی کوردی و ئەرمەنی و ڕووسی لەرۆژنامەو گۆڤارە کوردییەکانی وڵاتانی سۆڤییەتی پێشوو و ئەوروپا و گۆڤارە ئەدەبییەکانی نووسەرانی ئەرمەنی و ڕووسدا بڵاوکردووەتەوە و کۆمەڵێک پەرتووکی تری چاپنەکراوی هەن.
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
![](https://www.kurdipedia.org/images/flags/ku.png)
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 15,368