Zilma Kemalîstan û bêçaretîya Kurdan
Sıraç Oğuz

SiracoguzLi Bakurê Kurdîstanê, îro dîsa bi sedan Civanên Kurd tên kuştin. Zilma Komara Tirk wek dema damezrandinê, li bakurê Kurdîstanê bi komkojîyên dîrokî û bêbextî dubare dibe.
Di destpêka Komara Tirkiye da, xwînxar û qatîldarên, wek Mistoyê kor û Îsmetê kerr û hevalbendên wan digotin emê ji bo biratî, aşitî, wekhevî û welateke hevpar, komareke demokratik avakin.
Kemalîstên Tirk jî, îro ketine nav parti û sazîyê Kurdan, ew jî wek bapîrên xwe, careke din behsa komara demokratik û welateke hevpar dikin.
Malxirabîya herî mezin ewe ku, Kurd îro dîsa tên xapandin. Cewrikên kemalîstên ku di nav partîyên Kurdan da cîh girtine çi bibêjin, gotinên wan ji alî Kurdan va, bê îtîraz û bê gengeşî tên cîh.
Dema avakirina komarê da, bi navê dijberîya emperyalizmê û bi navê dîn û îmanê milletê Kurd xapandin.
Îro jî Tirkên Kemalîst, kirinên bav û kalên xweyên bênamûs, yekoyek tînin cîh, bê şert û bê şûrt.
Ji bo daxwaza Komara Demoqratika Tirk, xortên Kurdên wek filînta tên kuştin.
Bajarên wan tên şewitandin û malên wan di ser wandan tên xirabkirin.
Kurden welatparêz û zana, gere li dijî vî zilmê û sîyaseta şaş derkevin.
Edi bese, belê edî bese, Kurd tu car heq nakin ku cewrikên Kemalîst rêvebirîya wan bikin.
Edî bese, ji bo nîfaqa ku hê di nav Kurdan da didome.
Eedî bese, Kurd hê bi cewrikên kemalîstan ra îtîfaqan saz dikin.
Edî bese, bi tevgerên xeletî û şaştî Kurd tên kuştin.
PKK, bi MLKP, DHKP, TDKP-L, BHH, ÖDP û bi çepên Tirkan îtifaqê çê dike.
Gelo PKK, çima bi Partîyên Kurdan ra enîyeke neteweperwer saz nake?
Tirkên Kemalist, di nav partîyên Kurd da bi rêvebirî û bi payebilindî cih girtine û li kêfa xwe mize dikin.
Çima milletê Kurd bêdeng dimîne û li dijî van xeletîyan dernakeve.
Şerê kurda ne ji bo komareke demoqratik e.
Gere ji bo maf û avakirina Kurdîstanê bixebitin û li xwe xwedî derkevin.
Ne xêra çepên Tirkan, ne jî ya îslamparêzên Tirkan li Kurdan dibe. Ew hemû wek hev in.
Kemalîstên Tirk rêvebirîya Kurdan dikin, Kurd jî bêçare li ser internetê û di malperan da dinivîsin û siloganên vala davêjin.
TC bi Tank û topê xwe ketîye Bajaran.
Kurdên belengaz, hê bi çeteyên AKPê tên xapandin. Devê kê vedibe divê, çete û polîsên AKP ê.
Hey malxirabino, komara Tirk û sîstema Mistoyê kor û Îsmete kerr, sed sale zilm û tehdê li Kurdan dike.
Neyên xapandinê, neyarên Kurd û Kurdîstanê, sazî û dezgehên Kemalist û Komara Tirkiyê bi xwe ye.
Çend salên berê dîsa bi destê dewletê, cîvanên Kurd bi komkujîyek şehit ketibûn.
Kurd îro li ser wan kuştîya, di govend û şahîyan da stran dibijîn û direqisin
Belengazan nizanin, çend mehê din, ewê li ser van komkujîya Kurdan da jî di govenda da bireqisin.
Bijî berxwedana felan derê û bijî serok û bijî partîya me.
Wek mînak stranên, herne pêş û kine em, an jî se heval, sê bira û şerê berbanokê.
Zilm û zordestîya li ser gelê Kurd diqewême gerek tu car neye jibîrkirin. Lê ne bi reqs û govenda, bira bi gotin û çîrok û bi roman û bi kilamên mirxasîyê bên bîranîn.
Li bakurê Kurdîstanê, iro bêçaretî û zilmekî mezin heye.
Bêçaretî pir zore, mîrov an jî cîvak, hinek tiştan nikarin bînin ziman.
Lê dermanê bêçaretîyê, bêçaretîya şexsî an jî ciwakî, tenê Kurdîstaneke serbixwe ye…
[1]