رۆژ بە ڕۆژ ژمارەی تووشبووان بە ڤایرۆسی کۆرۆنا لە کوردستان و جیهان لە بەرزبوونەوەدایە، بەپێی دوایین ئامارەکان تاوەکو ئێستا 120 کەس لە ڕۆژهەڵاتی کوردستان گیانیان لەدەستداوە. لە23-03-2020دا تووشبوونی 123 کەسی دیکە بە ڤایرۆسەکە ڕاگەیێندرا.
لە 22-03-2020دا، لە پارێزگای ورمێ، سێ کەس بە کۆرۆنا گیانیان لەدەستداوە و 33 کەسیش تووشبوون.
- لە ورمێ و بۆکان زۆرترین ڕێژەی تووشبوون هەیە و بەمشێوەیەی لای خوارەوەیە:
گیانلەدەستدان 31
تووشبوون 428
چارەسەرکراوان 218
- پارێزگای لۆڕستان، گیانلەدەستدانی دوو هاونیشتمانی دیکە بەهۆی کۆرۆنا ڕاگەیێندرا و ژمارەی ئەو کەسانەی تاوەکو ئێستا گیانیان لەدەستداوە بۆ 32 کەس بەرزبووەوە. هەروەها ئەنجامی تێستی کۆرۆنای 35 کەسی دیکەش پۆزەتیڤ دەرچوو.
- نپارێزگای سنەش کەسێکی دیکە گیانی لەدەستدا و بە تووشبوونی 31 کەسی دیکە ژمارەی تووشبووانیش گەیشتە 265 کەس. پشکنینی کۆرۆنا بۆ 47 کەسی دیکەش کراوە و هێشتا ئەنجامەکەی نەگەڕاوەتەوە.
- پارێزگای کرماشان، کەسێکی دیکە گیانی لەدەستدا و حەوت کەسی دیکەش تووشبوون. بەوەش، ژمارەی قوربانییان 17 کەس و ژمارەی تووشبووانیش گەیشتە 182 کەس.
گوتەبێژی زانکۆی پزیشکیی کرماشان دەڵێت، 64 کەسیان چاکبوونەتەوە و 101 کەسیش لە نەخۆشخانەن.
- پارێزگای ، هاونیشتمانییەکی دیکە گیانی لەدەستدا و 17 کەسی دیکەش تووشی ڤایرۆسەکە بوون. لەو پارێزگایە تاوەکو ئێستا تووشبوونی 200 کەس پشتڕاستکراوەتەوە و 11 کەس بەهۆیەوە گیانیان لەدەستداوە. چوار پزیشک و سێ پەرستار لەنێو تووشبووەکاندا هەن.[1]
23-03-2020