ئاگاداری
بەرێز سەرۆکی حکومەتی هەرێمی کوردستان و جێگری سەرۆکی حکومەت و بەرپرسانی سياسی و ئيداری..
وەک دەستەی سەرپەرشتياری ليوای3و7ی تايبەت بە فەرمی ئاگادارتان دەکەينەوە کە باردودۆخی هێزەکانی #پێشمەرگە# ناسەقامگيرە و بە دۆخێکی خراپ و نالەباردا گوزەر دەکەن و گەيشتۆتە ڕاددەيەک کە جێگای قبوڵکردن نەبێ..پێشمەرگە پارێزەری ئاشتی و ئارامييە و بە خوێنی گەش و ئاڵی خۆيان ئەم نيشتيمانەيان لە دەستی داگيرکەران و دوژمنانيان پاراستووە و قوربانی گەورەيان داوە بۆ ئەم خاکە.لە ئێستاشدا برينی موچە و قوتی هێزەکانی پێشمەرگە کە مافی ڕەوای خۆيانە و ئەبوايە جياواز لە هەموو چينەکانی تری کۆمەڵگا خزمەت بە پێشمەرگە بکرايە و ژيانيان بۆ دابين بکرايە نەک مافەکانی خۆشيان لێ زەوت بکرێت. پێشمەرگە نابێ و ناکرێ باجی هەڵە و سياسەتی چەوت بدات چونکە لە هەموو دۆخێکدا وەک هێزی پارێزەرو داکۆکيکار لە مەيداندا بوين و بێ وچان خزمەتمان کردووە.. لێرەوە هەمووان ئاگادار دەکەينەوە ئەگەر حکومەتی هەرێمی کوردستان و بەرپرسانی سياسی و ئەو لايەنانەی لەم دۆخە بەرپرسيارن بە فەرمی نەيەنە سەر خەت و موچەی پێشمەرگە لە نزيکترين کاتدا دابين نەکەن ئەوا ئێمە هەلوێستی جدييمان ئەبێت ڕێگری لە هاتوچۆکردنی هەموو ئەو تانکەرانە ئەکەين کە نەوت و ماددە کانزاييکان ئەگوازنەوە و دەستيان بەسەردا ئەگرين و دڵنياشتا ئەکەينەوە کە لە تواناماندا هەيە ئەنجامی بەين..هەروەها داوا لە هەموو هێزەکانی پێشمەرگەی کوردستان دەکەين بێ جياوازی هەڵوێست وەرگرن و پشتيوانمانبن و بێنە سەر خەت لەسەر ئەم باسە ڕەوايە..
دڵسۆزتان
ليوا/ ئەيوب يوسف سعيد
فەرماندەی دەستەی سەرپەرشتياری ليوای3و7ی تايبەت
#11-02-2018#