ڕاو ڕەسموو پیرشالیاری چېشا جە هۆرامانەنە؟

ڕۆو پەنجەمو گرد زمسانێ ئی یادە کریۊوە، تەنها چه هۆرامانەنە؟
چی تەنیا هۆرامانەنە؟
چوونکوم یادو پیرشالیاری که یۆن جه پیره کا (موغانه کا) دیینو زەرده شتی کە کۆنترین دینو سەر گۆو زەمینین (6600) ساڵێ چېوهڵ، کە ئایینو هۆرامییەکان، جە هۆرامانی تەختەنە یادەکە کریۊوە جە نزیکو مەزارو پیرشالیاری.
زەردەشت پەیامبەر کێن؟
زەردەشت، پەیامبەرو ئاڤێستای چە هۆرامانەنە یاگێ جە ئەڎازادەی سەردەشتی بېیەن چە کەشو (هەرە هەرا) . جە هۆرامانو تەختی.
هۆرامییەکێ هەزاران سا ڵۍ چېوەڵ، واته شش هەزارێ و شەش سەد ساڵێ چېوەڵتەر یەکەم کەس بێنێ وەڵێ گرد و دینەکا و سەر گۆو زەمینی و تەنانەت وەڵێ کتېبو زەبوور و تەورات و ئینجیل و قورئانی، ئامێ چە ڕاو پەیامبەر (زەردەشت) وە پەیام و یەکتاپەرەسی (خوڎا پەرەسی ئاهوڕامەزاد) بڵاو کەردۆ، کە ئەشۆ ئینسان واز چە بت پەرەسی و ئاژەڵ پەرەسی و گیواو پەرەسی بارۆ، ئاهوڕامەزاد، بە هۆرامی یانی خوڎا، الڶە. God پەرسدێ.
کتېبو ئاوێستای، یان ئاڤێستای چېشا؟
کتېبو (ئاڤێستا) ی کە چە (23) بەشێ پێک مێ، وتەکاو پەیامبەر زەردەشتی بە زوانو ئاڤێستای هۆرامی نوویسیان، باس چە نما و عیبادەت و حەج و زیکر و زەکات و نزا و لاڵیایۆ کەرۊ. پێ ئانەی خۆڵک زانۆ خاسە و خراپە چېشا و سزا و پاداشت چېشا.
نەوەد و نۆ پیرەکێ (موغەکێ)
هۆرامانی کېنۍ؟
پیرشالیار یۊ بېیەن چە (99) پیرەکاو هۆرامانی. هەر چەنی پیر خدر و پیر مەگروون و پیر مەنسوور و پیر شەوکێڵ و پیر موغان، ئینێ یانی پیایاو ئاینیی و ئیماندارێ زەردەشتی و یانی بە تەمەنترین و ساحێب ئەزموون و شارەزا و زانیاری چە بارەو دینو زەردەستیوە. هەر چەنی دلێ جوولەکانە هەخام و دلێ مەسیحیانە قەشە و دلێ ئیسلامینە موفتی هەن، ئینێ ڕابەر و ڕا نیشاندەر و موفەسیر و پیێ پاک و خاس و پیرۊزێ دینو زەردەشتینێ.
هۆرامانی بییەی هەزاران ساڵ چېوەڵتەر.
پلەی بەندی پیا ئایینییەکا بېیەن پېسە:
پیرو مۆغانیگېیانانی
موبید موبیدی موبیدان
هێربوود هێربوودی هێر بوودان
تەلەبەی دینی پەنەش وچیان (وێزرا) .
ئینسانی ئیماندار یان دیندار کێ بېیەن و مەرجەکېش و ئەرکانی دینیش؟
1. ویرکەردەیۆ خاس_هۆنتا
2.گوفتاری خاس_ئۆختا
3.کرداری خاس_هۆرشتا
ماریفەتو پیرشالیاری چېشا؟
چی کتېبنە تەفسیر و ڕۊشنکەردەیۆ و تەمام کاری دینی کە جە لایەنو پیرشالیاری بە نامۍ کتېبو (ماریفەتو پیرشالیاری) باس کریان و ڕۊشن کریانۆ، تەنانەت چن پەرتوکێ تەر پېسە (دەفتەری سیاو) و (نۆرۆز نامە) و (کتېبو سەرئەنجامی) ، کە ئیسە لاو برا کاکەییەکاوە پارێزیان. باسو تەمامو بنچینە و بنەما و ڕېو ڕەسمەکا و یاسا و ڕېسا دیینییەکا کەرۊ.
دەگاو هەجیجی جە چېشۆ ئامێنە؟
چە حەج، یان حەجاجۆ ئامێنە. یاگێ حەج کەردەی زەردەشتی و هۆرامییەکا بێنە. بە جلێوە تایبەتۆ بە نامۍ (کۆسە) و پاڵو ئاوەو هەجیجی ساڵانە ئەنجام دریان.
تەوەنەو کۊمسای و ڕاوڕەسمەکەش چېشا؟
تەوەنێنە نزیکو مەزارگەو پیرشالیاری و ساڵانە ڕاو ڕەسمش کریۆوە. ئی تەوەنێ مەڕیۊو چەنەش بڕیۊ پېسە پیرۊزی. بە ماناو تازە بېیەیۆو ژیانەوەی.
بڵاوبییەیۆ دینەکەی چا سەردەمەنە تاکو ئارۊ؟
دینەکە چە هۆرامانۆ بڵاو بیۆ بە گردو دنیێرەو چە ئاسیا تاکو ئەمریکای لاتین و تەنانەت هیندستان وئەمریکای لاتین پەیکەر پێ پەیامبەر زەردەشتی دروس کریان.
دینو سەرەکی دەوڵەتەکە یانی هۆرامییەکا بییەن، دماتەر دینو سەرەکی دەوڵەتو میدیای یان مادو کوردەکا بییەن.
بە ئیسەیچەوە ملیۆنان کەسێ هەر مەنێنێوە سەرو ئی دینەیە جە وڵاتو عێراق و ئێران و ئازەربایجان و هیندستان و پاکستان و تەنانەت ڕوسیا و ئەمریکاش.
سەرنجێ فرە گرنگ!
1- فرە فرە گرنگا بزاندێ کە بەعزێ بەخەڵەت و پەی چەواشەکاری ماچا ئێر پەرستێ بېیېنۍ و ئینە دوورا چە ڕاسی و تەنانەت بەڵگەیچ پەی ئینەی:
1.ئاهوڕا یان ئاهورامەزاد یانی: خوڎا، الڶە، God
2. ئەهریمەن: یانی شەیتان
3.کتېبو ئاڤێستای
4.ماریفەتو پیرشالیار و دەفتەرو سیاو و نۆرۆزنامە و سەرەنجام بەڵگێوە تەرنێ.
2- کتېبو سەرئەنجامی چېشا؟
کاتێ ئیسلام مێو، ھۆرامیەکێ زانا که دینەکەشا سۆچنا و به راش دلێنه، به پەله جه پاڵنگان ڕیکۆت نامۆ سەرئەنجامی منویساوه و که کورت و پۆخت دیینو زەڕدەشتی و ڕاوڕەسمو گرد چیوش چنه باس کەراو مڎاش دەسو برا کاکەییەکاو ئیسه ئینا لاشاوه پارێزیان.
3- ژیری و زیرەکی ھۆرامی ئینا چانەیەنه تاکو ئیسەیچ یادۆ دیینو زەردەشتی و ئاوێستا و کۊمسا و پیری پیران کەراوه دلێ دڵو ئیسلامیەنە.
4- به ڵگێ شاعیره کورده کا:
قانعی شاعیر سەرو هۆرامی و زەردەشتی ماچۆ:
کەشو هۆرامانی هەرچن ڕەنجەڕۆنا
وەلێ بزانە کە مەمنوونو تۆنا
چوونکە پاراستت تۊ ئا زوانە
تێکەڵت نەکەر چەنی بێگانەی
نە ڕۊم نە عەجەم، نە تورکی تاتار
نە چین نە ژاپۆن، نە دەس استعمار
کتېبو زەردەسشتی کە ئاڤێستان
پېسە باقی کتېبا خەڵاتو خوڎاین
بە زوانو هۆرامی ئاما سەرو بەشەری
یانی های زەردەشت بی بە پێغەمبەر.
دکتور عەقد عابد هەورامی.[1]