بە بینینی ئاستی یاریزانە لاوەکان سەرسام دەبیت، هەمیشە بە هەگبەی پڕەوە لە یاریگەکان دەگەڕانەوە و خاڵی یارییەکانیان بەدەست دەهێنا، ئەو تیمەی توانی بە بێ شکست و بە سەرکەوتنەکانی قۆناغە سەختەکانی خولی پلە یەکی لاوانی یانەکانی ئێراق ببڕێت و بگاتە ڕیزی یانە نایابەکان و جامی دووەمی هەمان خولی لە یاریگەی تاجی شاری #بەغدا#ی پایتەختی ئێراقەوە هاوسەفەر لەگەڵ حاکم #مەحمود ئەحمەد موراد# جێگری سەرۆکی یانەی وەرزشی پێشمەرگە و (م. شێرزاد محەمەد حەسەنی سکرتێر و م. ئیبراهیم قاسمی ڕاوێژکاری سەرۆکی یانە) گەڕاندەوە شاری #سلێمانی# و ئاهەنگی سەرکەوتنیان بۆ گێڕا.
ئاست بەرزی یاریزانەکانی تیمی لاوان وەک هەمیشە بووە جێگەی سەرنجی تیمی ڕاهێنەرانی پێشکەوتوان و لە دوایی ئەو دەست کەوتەشیان پاڵپشت بە هەڵسەنگاندنی ئاستەکان هەریەک لە یاریزانان
(بینەر ڕزگار، پەیوەست عومەر، بەشار کەمار، هێڤار ئەمین، محەمەد عوسمان، ڕێڤان قاسم، هۆزیار جەبار، خۆژی شکور و ئەحسەن سەعید) بە فەرمی بانگێشتی تیمی پێشکەوتوانی یانەی پێشمەرگە کران تا لە خولی نایاب بە بەرگی پێشمەرگەوە، پێشمەرگە ئاسا جەنگاوەری نێو یاریگەکان بن و یەک دەست و وەک دەستە برا بگەنە ڕیزی یانەکان بەشداری خولی پیشەگەرانی ئێراق بۆ وەرزی داهاتوو.
سەبارەت بە بانگێشت کردنی یاریزانانی تیمی لاوان و سەرکەوتنیان بۆ ئاستی پێشکەوتوان وسام محەمەدی سەرپەرشتیاری گشتی تیمەکانی تۆپی پێی یانەی وەرزشی پێشمەرگە بۆ سایتی پێشمەرگە سپۆرت وتی، پلانی داهاتوومان جیاواز دەبێت و کار لەسەر پێگەیاندنی زیاتری یاریزانانی تازەپێگەیشتوو لاو دەکەین و لێرەشەوە ڕای دەگەیەنین کە دەرگای یانەکەمان واڵایە بۆ ناو تۆمار کردن و بانگێشت کردنی یاریزانی نوێ و تاقیکردنەوە و هەڵسەنگاندنیان تا بە خەون و ئامانجی خۆیان بگەیەنین و بە بەرگی پێشمەرگەوە لە یاریگەکان بەرگری لەو دەستکەوتانەمان بکەین کە بەدەستمان هێناوە.
هەروەک ناوبراو وتی، لە ئێستادا 2023 جگە لە تیمی یەکەمی