بڕیاردان بۆ ئەوەی کە منداڵێکت هەبێت و پەروەردەی بکەیت ئاسان نییە، پێویستی بە بیرکردنەوەی قوڵ هەیە لەلایەن دایکان و باوکانەوە، چونکە ئەرکی کەسێکی دیکە بۆ خێزانەکەیان زیاد دەبێت و پێویستی بە تەرخانکردنی کات هەیە.

=KTML_Bold=چەند نیشانەیەک پێتدەڵێت ئامادەیت بۆ ئەوەی منداڵت هەبێت.=KTML_End=

1- لە بەرپرسیارییەتی تێدەگەیت و قبووڵی دەکەیت، ئامادەیی ئەوەت تێدایە قوربانی بدەیت و خۆت بگونجێنیت لەگەڵ دۆخە سەختەکان، لەگەڵ ئەوەشدا لە ڕووی داراییەوە جێگیریت و ماڵێکت هەیە کە بەئارامی تێیدا بژیت.

2- لە دۆخێکی تەندرووستی باشدایت، بەتایبەتی خانمان پێویستە زۆر لەم خاڵە دڵنیابنەوە، چونکە دەبێت تەندرووستیان ڕێگەی ئەوەیان پێبدات منداڵێک لەناو سکیان گەورەبکەن و ئەزموونی دووگیانیی بکەن.

3- پەیوەندییەکی باشت هەیە لەگەڵ هاوسەرەکەت و لەگەڵی دڵخۆشیت، درووستکردنی منداڵت بە مەبەستی ئەوە نییە پەیوەندیت لەگەڵ هاوسەرەکەت چاک بکەیتەوە، چونکە منداڵ پێویستی بەوە هەیە لە ژینگەیەک گەورەبێت کە دووربێت لە شەڕ، ڕق، ناخۆشی و ئاژاوە.

4- تێدەگەیت لەوەی ئەو منداڵەی دەیهێنیتە دنیاوە کەسایەتی خۆی هەیە و بە شێوازی خۆی دەژی و ڕەنگە کەسایەتیی زۆر جیاوازبێت لەو کەسایەتییەی تۆ دەتەوێت و وێنات بۆ کردووە. [1]