ناڤ: مەلا محەممەد
ناسناڤ: مەحوی
ناڤێ بابێ: مەلا عوسمان
ساڵا ژ دایکبوونێ: 1252ێ کۆچی - 1836 - 1837ێ زایینی
ساڵا مرنێ: ل ساڵا 1324ێ کۆچی – 1906ێ زایینی
جهێ ژ دایکبوونێ: گوندێ باڵح، سلێمانی
جهێ مرنێ: #سلێمانی#
$ژیاننامە$
ناڤێ وی مەلا محەممەدێ کوڕێ مەلا عوسمانێ باڵحییە، یەک ژ نەڤیێ پیر و زانایێ ناڤدار «شێخ ڕەش»ە. ناڤێ باپیرێ وی ژی مەلا عوسمان بوویە و وەک #شێخ مارفێ نۆدێ - شێخ مارف# لگەل ئاڤاکرنا باژارێ سلێمانیێ هاتییە وی باژاری. «باڵح» کو پاشناڤا بابێ وییە، گوندەکە ژ ناڤچەیا ماوەتا شارەستانییا سلێمانیێ. مێژوونڤێسێ کورد #محەمەد ئەمین زەکی بەگ# لسەر ساڵا ژدایکبوونا مەحوی ل وِێ باوەڕیێدایە کو ل ساڵا 1252ێ کۆچی بەرامبەری 1836 - 1837ێ زایینی ژدایکبوویە، لێ مامۆستا #عەلائەدین سەجادی# ساڵا 1830 (1246ێ کۆچی) دەست نیشان کرییە و کاکەیێ فەلاح ژی ساڵا 1247ێ کۆچی (1831 - 1832).
باڤێ وی خەلیفەیێ شێخ عوسمان سیراجەدینێ تەوێڵە بوویە. ژیێ وی حەوت ساڵی بوویە کو دەست ب خواندنێ کرییە. دەمەکێ ل دەف بابێ خوە خواندییە و پاشێ ژ بۆ خواندنێ چوویە باژارێ #سنە# و سابڵاخ و ل دەف مەلا عەبدوڵڵا پیرەبابی خواندنییە. پاشێ ڤەگەڕیایە باژارێ سلێمانیێ و ل دەف ناڤدارێن وی ناڤچەیی درێژە ب خواندنێ دایە. پشتی دەرباز کرنا قویناغێن سەرەتایی، چوویە باژارێ بەغدادێ و بوویە فەقیێ زانایێ بناڤودەنگێ کورد مفتی زەهاوی و ئیزاجەیا مەلاتیێ ژ وی وەرگرتییە.
لسەر وێ چەندێ مامۆستا عەلائەدین سەججادی دبێژیت: «مەحوی پشتی وەرگرتنا ئیجازەیا مەلاتیێ، ل ساڵا 1859ێ زایینی بوویە مەلایێ مزگەوتا ئیمام ئەزەم ل بەغدادێ، لێ ل ساڵا 1862ێ باژارێ بەغدا ب جی هێلایە و ڤەگەڕیایە سلێمانیێ و بوویە ئەندامێ دادگەهێ. ل ساڵا 1868ێ ژبەر کۆچا بابێ خوە دەست ژ کارێ میری کێشایە و درێژە ب کارێ مەلاتیێ دایە». ژ فەقیێن وی یێ هەری ناڤدار ئەم دشێین ناڤێ مەلا حەسەنێ کوڕێ مەلا عەلیی قزڵجی و مەلا مەحمودێ مەزناوەیی و مەلا سەعید ئەفەیدیی نایب ئۆغڵیی #کەرکووک# و مەلا عەزیزێ موفتیی سلێمانی بهێنین. مەحوی هەر لسەر ڕێبازا بابێ خوە، ڕێیا تەریقەتێ گرتییە پێش و بوویە خەلیفەیێ شێخ بەهائەددین کوڕێ شێخ عوثمانێ تەوێڵە.
=KTML_ImageCaption_Begin==KTML_StyleDiv=width:25%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2008/293/0002.JPG=KTML_ImageCaption_Title=گۆڕی مەحوی=KTML_ImageCaption_CaptionStyle=000000=KTML_ImageCaption_Caption=گۆڕی مەحوی=KTML_ImageCaption_End=
مەحوی ل ساڵا 1291ێ کۆچی (1874 1875ی زاینی) ل گەل چەند مالایەک دی ل باژارێ سلێمانیێ دهێتە نەفی کرن ژ بۆ بەغدایێ و نەدیارە هۆکارا وێ چ بوویە و چاوان دیسا ڤەگەڕیانە. (ژ پەڕتووکا مفتی زەهاویا مامۆستا شێخ محەممەدێ خاڵ). ل گۆری گۆتنا مامۆستا سەجاجادی، مەحوی ل ساڵا 1883ێ زایینی چوویە حەجێ و ل وێرێ چوویە باژارێ ستەمبۆلێ و چاڤێ وی ب سوڵتان عەبدولحەمیدێ عوسمانی کەتییە. سوڵتانی ڕێزەک زێدە ژێ گرتییە و فەرمان دایە خانەقایەکێ بۆ وی چێکن ل سلێمانیێ، کو ئەڤرۆکە ب خانەقایا مەحوی بناڤودەنگە. مەحوی حەتا داوی ڕۆژێن ژیانا خوە هەر مژیلی خواندن و فێرکرن و بەلاڤکرنا ئایین و خزمەتا موسڵمانان بوویە. مەحوی ل ساڵا 1324ێ کۆچی – 1906ێ زایینی چوویە بەر دلۆڤانیا خودێ و ل ئێک ژ ئۆدەیێن خانەقایا خوە هاتییە ڤەشارتن. [1]