$Nivîskar û helbestvanê kurd Dr. Mûsa Dilbirîn$
Mûsa Dilbirîn navê wî Mûsa yê Salih ê Dawid e. Di sala 1965an de, li gundê Xirbê Golê, ku dikeve başûr û roavayê Qamişlo li dora 30 km, li Roavayê Kurdistanê jidayik bûye. Xwendina xwe ya seretayî li gund temam kir, lê xwendina xwe ji pola 7 ta 12 li Qamişlo Temam kir. Tim di dibistanê de, di xwendina xwe de, li pêş hevalên xwe bû. Di sala 1983an de, bakalorya zanestî bi pileyên bilind bi dest xist û yekser dikarîbû derbasî Zangoya Helebê Fakulteya bijîjkî bibe. li wê de, li Helebê Xwendina xwe yî bijîjkî temam kir, bû pisporê nexweşiyên mindalan. Li wê de, li Helebê, di gel xwendina xwe re bi dest nivîsandina helbesta kurdî kir.
Di sala 1984an de, tev ku zimanê Kurdî qedexe bû jî, di wê demê de, qelenê wê Hebis û zindan bû, lê bi mêranî wî dest pêkir, û hingê wî çend şevbuhêrekên helbestî di nav girûpên xwendevanên kurd de, li taxa Eşrefîyê, li Helebê pêk anî. Di heman demê de, wî û çend kesan ji Efrînê Komelek ava kirin ji bo pêşxistina wêje û toreya kurdî, û civînên xwe bi rêk û pêk her hefteyekê carek pêk tanîn. lê ew komele, dirêj nekir du sala temen kir û piştre hate rawestandin.
Piştî ku kirîza sûrîyê dest pê kir, wî jî wek pirrên xelkê dest ji kilînîka xwe ya taybet li Qamişlo berda û berê xwe da Kurdistana başûr. li bajarê Derbendîxan ku dikeve rojhilatê Helebça niştecî bû. Li wê de, wek dektor Pisporê mindalan li nexweşxana giştî sê salan kar kir. Di nav wan sê Salan de, Dîwanek ji helbestan pêk anî navê wê kir Derbendîxan, lê heta niha ew dîwan destnivîse. Di heman demê de du pirtûkên xwe li çapxana Kurdistan li Sulêmaniyê çap kirin, yek bi navê çîroka Siwar û muxtar, û ya din dîwanek bi navê Evîn.
Di sala 2016 de, di rêya kongirek bijîjkî rê girt û berê xwe da Elmanya, li wê de mafê Niştecîyê wergirt, du salan li wir jiyan kir. Sal û nîvek di nexweşxanê de karkir, lê dît çiqa Elmaniya şêrîn be welat jê şêrîntir e, dara gihiştî tu wê ji xaka wê rake pir zor e di xakek din de bijî. Lewra karûbarê vegerê kir û berê xwe da welêt û Elmanya li paş xwe hişt.
Di sala 2014an de, tevlî Yekîtiya Nivîskarên Kurd -Sûrîyê bû. Di kongirê Sêyem de, di komîta rêveber de, hat helbijartin, û heta niha ew endamê Yekîtiya nivîskarê Kurd -Sûriyê ye.
pirtûkên wî ev in:
-çîroka Siwar û Muxtar, çapxana Kurdistan li sulêmaniyê 2015.
-Evîn dîwan e çapxana Kurdistan li sulêmaniyê 2015.
-Newroz dîwan e çapxana pêla Qamişlo.
-Derbendîxan dîwan (destnivîs) e.
[1]