دەقی پەیامەی ئەمین بابەشێخ، گوتەبێژی #یەکێتیی نیشتمانیی کوردستان# لەبارەی دیداری یەکێتی:
ئامانج لە دیداری یەکێتیی نیشتمانیی کوردستان، گفتوگۆکردنە سەبارەت بەمێژووی کاروانی خەباتمان و درێژەدانە بە ڕێبازی سەرۆک مام جەلال و وێناکردنی سیاسەتگەلێکی ئایندەیی و واقیعی و نیشتمانییە.
یەکێتیی نیشتمانیی کوردستان، کاروانێکی دوورودرێژی خەبات و مێژوویەکی پڕ لە دەستکەوتی نیشتمانی هەیە. یەکێتی بەسەرکردایەتی سەرۆک مام جەلال و هەڤاڵانی خاوەنی فیکر و تێڕ وانینێکی ڕوون و ڕەوان بوو بۆ تەواوی قۆناغ وسەردەمەکانی ژیان و، هەڵگیرسانی شۆڕ شی نوێی گەلی کوردستان بەسەرکردایەتی سەرۆک مام جەلال، پرۆژەیەکی فیکری هەمەلایەنە بوو بۆ داکۆکیکردن لە دۆزی ڕەوای گەلی کوردستان.
راگەیاندنی پرەنسیپ و ئەدەبیاتی شۆڕ شی نوێش لە بیروباوەڕ ە سیاسییە نیشتمانییەکانەوە سەرچاوەیان گرتبوو ئەویش لەسەر بنچینەی ڕێزگرتن لە مافی مرۆڤ و مافی هاوڵاتیبوون بنیات نرابوو.
ئه و تێڕ وانینە سیاسییە نوێیەش بوو کە یەکێتیی نیشتمانیی کوردستان و بەرەی کوردستانی بەره و سەرخستنی ڕاپەڕ ینی ساڵی 1991ی گەلی کوردستانی برد و دواتریش بەهۆیەوە لەساڵی 1992دا یەکێتی سەرکردایەتی پرۆژەی دامەزراندنی ئیدارەی هەرێمی کوردستانی لەڕ ێی هەڵبژاردنەوە کرد کە بەیەکێک لە گرنگترین دەستکەوتەکان هەژماردەکرێت. هەروەک بیرۆکەی سیستمی فیدراڵییش پرۆژەی سەرۆک مام جەلال و سەرکردایەتی یەکێتیی نیشتمانیی کوردستان بوو.
یەکێتی هەمیشە تێڕ وانینێکی فیکری ڕوون و ئاشکرای هەبووە و پێشبینی وردی بۆ ڕووداو و پێشهاتەکانی ئایندە لە سەرجەم بوارە سیاسییەکاندا هەبوو و بەچەشنێکی واقیعی و نیشتمانی مامەڵەی لەگەڵ دەکردن، چونکە سەرۆک مام جەلال و هەڤاڵەکانی باوەڕ یان بە دیموکراسی و ئازادی و پرسی ڕەوای گەلەکەیان هەبوو و لەپێناویدا تێدەکۆشان.
ئەمڕ ۆکەش دەبێت مێژوو و ڕابردووی پڕ لە قوربانیدان و دەستکەوتی خۆمان بپارێزین، هەروەک پێویستە درێژە بە ڕێبازی سەرۆک مام جەلال و هەڤاڵەکانی بدەین و لەپێناو ئازادی و دیموکراسی و عەدالەتی کۆمەڵایەتی خەبات بکەین و چاکسازی و گۆڕ انکاریی بکەینە بنەمای بیرکردنەوه و کاری ڕۆژانەمان لە تەواوی بوارەکانی حکومی و حزبیدا.
دامەزراندنی حکومەتی هەرێمی کوردستان، دەستکەوتێکی گەوره و بڕ یارێکی دروست بوو، بەڵام ئەم حکومەت و ئیدارەیەی هەرێمەکەمان پێویستی بە چاکسازیی جددی هەیە، بۆ ئەوەی لەیەک کاتدا خزمەت بەم قۆناغە و هاوڵاتیانیش بکات.
لەمڕ ۆشدا پێویستە بە ڕێگا و شێوازی زانستیانە و لۆژیکیانە و دیپلۆماسیانە بەرەنگاری ئاستەنگ و ئاڵینگارییە سیاسی و ئابووری و کۆمەڵایەتی و ئەمنی و سەربازییەکان ببینەوە.
پرۆژەی دیداری یەکێتیی نیشتمانیی کوردستان، بەمەبەستی پتەوکردنی پرەنسیپی بەردەوامیی، نوێبوونەوە، بەها نیشتمانییەکانمان و ئایندەمان و وێناکردنی تێڕ وانینێکی سیاسی و نیشتمانیی ڕوون و ڕەوان بۆ ئایندە دەبێت.
ئەمین بابەشێخ
وتەبێژی یەکێتیی نیشتمانیی کوردستان[1]
⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!