سەگ بەنانە يان سەگ بەدەرکە
مرۆڤايەتی لە دێر زەمانەوە ئاژەڵی سەگی ماڵی کردووە و بەخێويکردووە و بووە بە پاسەوان و هاوڕێيەکی بەئەمەکی مرۆڤ هەر بۆيەش ووتراوە(سەگ نان بدە سفڵەی نان مەدە) ئينجا سەگيش وەک مرۆڤ سەگ بەسەگ کەوتووە و هەريەکە و خاسيەت و ئەدگارێکی هەيە و بۆی دروستبووە، هەندێ سەگ هەيە فێرە دزيکردن بووە خاسيەتی ڕێوی و چەقەڵی تێدا گەشەی کردووە، هەندێکيشيان سيفەتی گورگ لەلايان چەکەرەی کردووە و لەپەزەکە دەڵەوەڕێن و (لەگەڵ گورگ ڕه و دەبەن و لەگەڵ مەڕ شين دەکەن) سەگ هەيە گورگ خنکێن و بەئەمەک و پاسەوانی گيانی بەگيانی خاوەنەکەيەتی و ئامادەييە خۆی بەر فيشەکی دوژمن و ڕێگر و دز و چەتە و پياوخراپان بدات بۆ پارێزگاری و پاراستنی خاوەنەکەی، لەکوردەواريشدا پێيان وايە هەموو ئه و خاسيەتانە پەيوەندی بەخاوەنەکەيەتی لەچۆنيەتی ڕاهێنان و بەخێوکردن و پەروەردەکردنی بۆيە ووتراوە(سەگ بەنانە يان بەدەرکە) واتە هەم دەستاوی مرۆڤ و خاوەنەکەی ئازايەتی و ترسنۆکی بۆ دروست دەکات هەميش دەراو و دەرگای خاوەن ماڵ، کەواتە کاتێک باسی ئازايەتی و ئەمەکی کەسێک دەکرێت يان خراپە و ترسنۆکی و بەدرەفتاری دەوترێت بەخوا برا(سەگ بەنانە) يان(سەگ بەدەرکە) واتە لە بنەمادا ڕزق و ڕۆژووەکەی(نان)ەکەی تەواوە يان ناتەواوە، دەرو ديوەخان و قەمتەرەی دەرگای هەبووە يان نەبووە، کورت و کرمانجی ئەم ئيديۆمە دەڵێت: مرۆڤ بەنانی حەلال يان حەرام مرۆڤێکە و لە قۆناغ و خانەواودەی باش بێت مرۆڤێکيترە.