ئەمڕۆ #16-10-2023# لە بارەگای مەکتەبی سیاسی، #فازڵ میرانی# بەرپرسی دەستەی کارگێڕیی مەکتەبی سیاسیی #پارتی دیموکراتی کوردستان#، پێشوازی لە (مەمەد مەولود یاکوت) کونسوڵی گشتیی تورکیا لە ھەرێمی کوردستان و شاندی یاوەری کرد.
لە دیدارەکەدا وێڕای بەخێرھێنانی میوانان، گفتوگۆ لەبارەی دوایین پێشھاتەکان و دۆخی گشتی ئێراق و ناوچەکە و پێویستی چارەسەرکردنی کێشەکانی ھەرێمی کوردستان و حکوومەتی فیدڕاڵ بە پابەندبوون بە دەستوور و لە ڕێگای دیالۆک کرا.
ھەروەھا میرانی ئاماژەی بەوە کرد کە پێویستە مافی گشت پێکھاتەکانی ئێراق پارێزراو بێت و سەقامگیری ئەمن و ئاساییش لە ناوچەکە لە خزمەتی ھەموو لایەک دایە.
ھاوکات کونسوڵی گشتی تورکیا سوپاسی مەکتەبی سیاسی کرد بۆ ئەم دیدارە و ھیوای خواست بتوانێت برەو بە پەیوەندییەکانی وڵاتەکەی لەگەڵ ھەرێمی کوردستان بدات، بەتایبەتیی لەو بوارانەدا کە بۆ ھەردوولا گرنگن.
دواتر پڕۆسەی ھەڵبژاردنی پەڕڵەمانی کوردستان و پەیوەندییەکانی نێوان پارتی دیموکراتی کوردستان و #یەکێتیی نیشتمانیی کوردستان# کە ئێستا باشە و پێویستە باشتر بکرێت و چەند پرسێکی دیکە کە جێی بایەخی ھاوبەشن، تەوەرێکی تری دیدارەکە بوون. [1]
Dette produktet har blitt skrevet på et språk (کوردیی ناوەڕاست), klikk på ikonet
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 281 ganger
Skriv din kommentar om dette elementet!