لە کەسانی دیکەمان بیستووە کە خۆشەویستی خۆت خۆپەرستی نییە، ئەمەش ڕاستە و هەموو خۆشویستنێکی خۆت نابێت بە خۆپەرستنی، بەڵام پێویستە جیاوازی لەنێوانیان بکەیت، چونکە بیرکردنەوەی لە ڕادەبەدەر تەنیا دەربارەی خۆت و گرنگیینەدان بە کەسانی دیکە و هەست و بیرکردنەوەیان، دەچێتە چوارچێوەی خۆپەرستییەوە.
=KTML_Bold=چۆن خۆت خۆشبوێت بێ ئەوەی خۆپەرست بیت؟=KTML_End=

1. بەڕاستی خۆت بناسە، خاڵی لاواز و بەهێزی خۆت بزانە، بەڵام پێویست نییە پەرۆش بیت بۆ ئەوەی خاڵی لاوازی کەسانی دیکە بزانیت و بەکاریان بهێنیت.
2. خۆت قبووڵ بکە، شێوەی دەرکەوتنت پەسەند بکە و لەگەڵ خۆت میهرەبان بە، لەگەڵ ئەوەشدا پێویست نییە باس لە شێوەی دەرکەوتنی کەسانی دیکە بکەیت، بەتایبەتیی بە لایەنی نەرێنی.
3. پلانی ئەوە دابنێ گرنگیی بە خۆت بدەیت، زیاتر وەرزش بکە و چالاکی جەستەیی ئەنجام بدە، بایەخ بە شێوازی ژیانت بدە، لەگەڵ ئەمەشدا گرنگییدان بە کەسە نزیکەکانی چواردەورت کاڵ مەکەرەوە.
4. پەرە بە توانا و لێهاتوییەکانت بدە، بەردەوام لە هەوڵی زانینی زیاتر بە، بەڵام کەسانی دیکە لە هەوڵدان سارد مەکەرەوە.
5. متمانەت بە خۆت هەبێت و هەمیشە سنوورەکان دابنێ لەنێوان خۆت و کەسی بەرانبەرتدا، لەگەڵ ئەوەشدا با نەبێتە هۆی ئەوەی گرنگیی بە سنوورەکانی بەرانبەرەکەت نەدەیت.
6. ئامانج بۆ ژیانت دابنێ و هەموو هەوڵێکی بۆ بدە، بەڵام کەسانی دیکە بۆ گەیشتن بۆ ئامانجەکەت بەکارمەهێنە.
7. یارمەتیی کەسانی دیکە بدە و هاوکاریان بە بەپێی تواناکانت، چونکە لە کۆتاییدا ئەو یارمەتییە تۆ لە ڕووی دەروونییەوە ئاسوودە دەکات. [1]