ناڤ: شێرکۆ
ناسناڤ: بێکەس
ناڤێ بابێ: #فایەق بێکەس#
ڕۆژا ژ دایکبوونێ: #02-05-1940#
ڕۆژا مرنێ: #04-08-2013#
جهێ ژ دایکبوونێ: تاخا گوێژە، سلێمانی
جهێ مرنێ: وەڵاتێ سوید
$ژیاننامە$
کوڕێ فایەق بێکەس و شەفیق سەعیدێ هوستا حەسەنە و ل 02-05-1940 ل تاخێ #گوێژە# یا باژاڕێ #سلێمانی#ێ ژدایکبوویە.د ژیێ هەشت سالییێ دا بابێ وی بێکەس ل سالا 1948 دچیتە بەر دلوڤانیا خودێ.زاڕوکینی و گەنجاتیا شێرکو بێکەسی یا تژی بوو ژ ئێش و ژانێن بێکەسیێ و دەست کورتی و دەردەسەرییا ڕەوشا ئابوری.زێدەباری وێ چەندێ دناڤ ڕەوشێن دژوار وبێکەسیێ دا قوناغا ئامادەییێ تمامکرییە.دژیێ هەڤدە سالییێ دا ئێکەمین هەلبەستا وی د ڕۆژنامەیا ژیندا بەلاڤکرییە.
ل ساڵا 1965 دبیتە پێشمەرگە و ل ڕادیۆیا دەنگێ کوردستانا عیراقێ ل شکەفتا سەردێمان دەستبکار دبیت. ل ساڵا 1968 ئێکەمین کومەڵە هەلبەستا خوە ب «بناڤێ تریفەیا هەلبەست»ێ بەلاڤدکەت. و ل ساڵا 1969 دگەل خاتوون «نەسرین میرزا» ژیانا هەڤژینیێ پێک دئینیت. شێرکو دگەل سێ ژ هەڤالێن ئەدەب دۆست و نڤێسەردا؛ حسێن عارف، جەلال میرزا کەریم و کاکە مەم بۆتانی ل ساڵا 1971 «بەیانی ڕوانگە» ل پێناو ڤەژاندن و نویکرنا ئەدەب و نڤێسا کوردی بەلاڤ دکەن. ل ساڵا 1974 دووبارە دچیتە ناڤ ڕێزێن پێشمەرگایەتیێ. پشتی تێکچوونا شوڕەشێ، بەرەف ژێرییا عێراقێ باژاڕێ ڕومادیێ دچیت، ل ساڵا 1979 ڤەدگەڕیتە سلێمانیێ. ل ساڵا 1984 ژبۆ پشتگیرییا شوڕەشێ و هێزا پێشمەرگەی، هەروەسا ژ بۆ خوە پاراستن ژ وەرگرتنا خەلاتا «قادیسەی سەدام»، دووبارە ڕێیا چیایێن کوردستانێ دگریت و دچیتە ناڤ ڕێزێن پێشمەرگەی. ل ساڵا 1986 ژبەر تێکچوونا باردوخێ کوردستانێ و هێرشێن کیمیابارانێ، پێشنیازا ڤی دکەن کو بۆ دەرڤەی وەڵاتی بچیت. ل ساڵا 1986 دگەهیتە ئیتالیایێ. ساڵا 1987 ل وڵاتێ سویدێ خەلاتا «تۆخۆڵسکی» وەردگریت. خەلات ژ لایێ سەروکوەزیرێ وی دەمی یێ سویدێ «ئیگڤار کالرسۆن» ڤە دهێتە پێشکەشکرن. پاشان هەر ل وی وەڵاتی دمینیت و دبیتە هەڤورڵاتی و ئاکنجیێ سویدێ. ساڵا 1992 ل ئێکەمین کابینەیا حکومەتا هەرێما کوردستانێدا دبیتە وەزیرێ ڕەوشەنبیریێ. ساڵا 1998 دگەل کۆمەک ژ هەڤالێن نڤێسەر و ڕەوشەنبیردا، دەزگەهێ چاپ و پەخشا «سەردەم» دروست دکەت و دبیتە ڕێڤەبەرێ وی دەزگەهی .ساڵا 2009 سەرجەم بەرهەمێن شێرکوی د هەشت هزار لاپەڕاندا هاتنە چاپکرن. شێرکو بێکەس خودانێ دەهان کومەڵە هەلبەست و نێزیکی دە هزار لاپەڕ ژ هەلبەستێن جۆر ب جۆرە. هەروەسا ئەو خودانێ چەندین ئەزموونێن جۆراوجۆرە د نڤێسینا هەلبەستێ دا. وەک هەلبەست، شانۆنامە، پۆستەر، دەقا ڤالا، داستان و گەلەک بەرهەم و شێوازێین دییێن ئەدەبی. هەلبەستێن شێرکو بێکەسی ژبۆ گەلەک زمانێن دیێن بیانی هاتینە وەڕگێران. وەک؛ ئینگلیزی, فەرەنسی، ئەڵمانی، ئیتاڵی، سویدی، عەرەبی، تورکی، فارسی و.. یێن دی. شێرکۆ ل ڕێکەفتا 04-03-2013 ژ ئەگەرێ نەخوەشیێ ل وڵاتێ سودیێ دچیتە بەر دلۆڤانیا خودێ. [1]
Dette produktet har blitt skrevet på et språk (کرمانجی), klikk på ikonet
for å åpne elementet på originalspråket!
ئەڤ بابەت ب زمانا (کرمانجی) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Dette produktet har blitt sett 1,460 ganger
Skriv din kommentar om dette elementet!