ناو: محەمەد
نازناو: ساڵح ئەفەندی
ناوی باوک: ساڵح
ڕۆژی لەدایکبوون: #1917#
ڕۆژی کۆچی دوایی: #22-07-1992#
شوێنی لەدایکبوون: گوندی #ژاژڵە#
$ژیاننامە$
محەمەد ساڵح ژاژڵەیی ناسراو بە ساڵح ئەفەندی لەدایکبووی ساڵی 1917 لە گوندی ژاژڵە، خوێندنی سەرەتایی و ناوەندیی لە سلێمانی تەواوکردووە، پاشان چووەتە کۆلێژی سەربازی ئەندازیاری بەغدا و لە ساڵی 1940 بووە بە ئەندازیار، وە بەشداری کۆماری کوردستانی لە مەهاباد کردووە و هاوڕێی چوار ئەفسەرە شەهیدەکە بووە و بریندار بووە، ڕۆڵی بەرچاویان هەبووە لە دامەزراندنی سوپای کۆماری کوردستاندا، هەروەها هاوڕێی هەریەک لە تێکۆشەرانی وەک (ئیسماعیل عارف و نوری ئەحمەد تەها و نوری شاوەیس) بووە. لە سوپای کۆماردا لە زۆر شوێن ڕۆڵی سەرەکی هەبووە بە تایبەت لە جەبهەی شەڕی سەقز، ئەگەر کارامەیی و لێهاتوویی ئەم ئەفسەرە نەبوایە هەموو پێشمەرگەکانی ئەم بەرەیەی شەڕ لەناو دەچوون، چونکە پێش و دوایان دوژمن بووە و ڕووبارێکی زۆر بەخوڕ بووە. ئەم تێکۆشەرە پردێکی سەفەری بە چەند کاتژمێرێک بۆ پەڕینەوەی پێشمەرگە درووستکردووە، لە چەندین سەرچاوەی مێژووییدا ناوی ئەو و هاوڕێ ئەفسەرەکانی هاتووە. شایەنی باسە دوای ڕووخانی کۆمار لە پاشەکشەیاندا بەرەو سنوور لەلایەن ڕژێمی ئێرانەوە بریندار دەکرێ، لە ساڵی 1962 بووە بە سەرۆکی شارەوانی سلێمانی و بەڕێوبەری ئەشغالی سلێمانی بە وەکالەت و بەڕێوبەری کارگەی جگەرە بە وەکالەت، ساڵی 1963 جارێکی تر گیراوە و ڕەوانەی خوارووی ئێراق کراوە، ساڵی 1974 بەشداری شۆڕشی ئەیلولی کردووە، لە ڕێکەوتی22-07-1992 چاوەکانی لێک ناو ماڵاوایی کرد. [1]
Dette produktet har blitt skrevet på et språk (کوردیی ناوەڕاست), klikk på ikonet
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 1,209 ganger