کادین بەگۆلکان، کاسە بەوورتکان
کاوکۆتی دوای خلەوخەرمان و مانگی خەرمانان بەشەغرە و ڕەشکەی دەگوازرێتەوە و لەکادینان دادەکرێت بۆ وەرزی زستان و ساردوسۆڵە و بەفرانبار و ڕێبەندان دەدرێتەوە پاتاڵی وەک مەڕومالات و ڕەشەولاخ و ولاغەبەرزە و گوێدرێژ و تاد، ئەوەی گۆلک و مانگا و گای هەبێت کا لەوەرزی زستان بەری ناگرێت چونکە زۆرخۆرن، ئه و خێزانەشی خێزاندار و ڕەشەخێزان بن و سەرتکە و پورتکەیان هەبێت واتە(ووردکە=وورتکە) مناڵی وورد و زۆر هەرچی نانی سەر تلیانەش هەیە دەیخۆن چ جای ئەوەی لەکاسە و قاپلەمەی گەورەدا بێت، ئەوە بووە بە ئیدیۆم بەماڵێکی ڕەشەخێزانی خاوەن منداڵی وورد دەوترێت کە زوو زەخیرەی ماڵیان نامێنێت کەندویان بەتاڵ دەبێت بۆیە کورد وتویەتی(کادین بەگۆلکان، کاسە بە وورتکان).[1]
Dette produktet har blitt skrevet på et språk (کوردیی ناوەڕاست), klikk på ikonet
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 900 ganger