هەڵمەتی چاندنی 20 هەزار نەمام لە شارۆچکەی پێنجوین دەستیپێکرد، بە سەرپەرشتی قایمقامی شارۆچکەکە و کۆمەڵێک هاووڵاتیانی خۆبەخش لەناوچەکە ئامانجیان سەوز کردنی ژینگەی پێنجوین و چاندنی زۆرترین نەمامە لەجێگای مین.
هەڵمەتەکە لە دەروازەی #پێنجوێن#ەوە دەستیپێکردووە، ئەو شوێنە لە ساڵانی ڕابردووەوە بەهۆی بوونی مینەوە خەڵک نەیاندەتوانی سەردانی بکەن. لە قۆناغی یەکەمیشدا سێ هەزار نەمام لەجێگای مینەکان دەچێندرێن، بەنیازن ئەو جێگایە بکەنە ناوچەیەکی گەشتیاری. قایمقامی پێنجوێن کە خاوەنی بیرۆکەکەیە دەڵیت هەوڵی ئەوە دەدەین ئەو نەمامانەی دەیچینن لە جۆرێک بن کە سوودی بۆ هاووڵاتیان هەبێت، جگە سەوز کردنی ناوچەکە سوودی ئابووریشی لێوەوەربگرن.
بە گوتەی بەرپرسانی ئیداری و خۆبەخشانی ژینگەپارێز ئەم هەڵمەتەی چاندنی نەمام زیاتر فراوان دەکرێت و بڕیار وایە 20 هەزار نەمام لەو جێگایانە بچێنن کە پێشتر شوێنەکە مینڕێژکراو بووە. بەڵام ئێستا هەوڵی سەوزکردنی شوێنەکان دەدرێت.[1]
Dette produktet har blitt skrevet på et språk (کوردیی ناوەڕاست), klikk på ikonet
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 1,492 ganger