بەتەمای فرۆی مانگا زەردە
لەکوردەواریدا دەوترێت مانگای زەرد شیرەکەی چەورە و کەرەی زۆری لێ دەگیرێت و ماست و ماستاو و دۆیەکەی خۆشترە وەک لە جۆرەکانیتری مانگای سوور و ڕەش و شین و بۆر، هەروەها لە قورئانی پیرۆزیش ناوی مانگای زەرد هاتووە، فرۆ-ش شیری مانگا دوای زاینی کە پێی دەوترێت(ژەک) ئەوەی لەبەر گۆڵکەکە-گوێرەکەکە دەمێنێتەوە دەدۆشرێت و دەخرێتە تاوێرێکەوە یان مەنجەلێکەوە دەخرێتەسەر ئاگر و پاش هەندێک کوڵان و دەمدانی دەبێتە تۆپەڵ وپلیت پلیت شێوەی دەڵەمه و پەنیری ژاژی لێ دێت و هەندێک شەکریشی پێوەدەکرێت و بەنان و چایی دەخورێت و خۆراکێکی زۆر خۆش و بەتامە ئینجا لێرەدا وەک درکە بەکارهاتووە مانگای زەرد واتە شتێکی بەنرخ و گرانبەها و خاوەن جێگە و پێگە هەرکەسێک تەمای گرتبێ لە شتێکی پڕبایەخ یان لە کیژۆڵەیەکی جوانکیلە بە دەربڕینەوە وتراوە فلانە کەس(بەتەمای فرۆی مانگای زەردە). [1]
ئاراس ئیلنجاغی
Dette produktet har blitt skrevet på et språk (کوردیی ناوەڕاست), klikk på ikonet
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 1,957 ganger