ئەگەر کەر هەيە کەرگەدەنيش هەيە
کەر يان گوێدرێژ ئەوەندەمان کار پێيانکردووە لەڕابردوو بۆيە زۆرترين پەند و ئيديۆم له و ئاژەڵە پڕبايەخە وەرگيراوە و لەسەری هاتۆتەوە، کەر ديارە ئەگەر بيەوێت کارێک بکات بەتايبەت نێرەکەرەکەی زۆر بەزەحمەت بەرزەفت و کۆنترۆڵ دەکرێت و ئەوەی گەرەکی بێت بەنێرەکەری ئەنجامی دەدات ئەگەر شيری حەوت گەڕەکيش بڕشێنێت و پشتی مڵی ماکەرێش زام قوڵ بکات گوێی پێ نادات، کەرگەدەن-يش ئەگەر وەک خاسيەت وەريبگرين واتە کەرێک کارێکی گەند-نابەجێ بکات، بەڵام کەرگەدەن يان کەرکەدەن ئاژەڵێکە خورت و تێکسمڕا و تێکچەقيو و پته و و بەهێز ديارە ئەگەر ئاڕاستەيەکی کەوتە بەر ديدەوە يەکسەر مڵی پێوە دەنێت وەک بەراز و شفرەکەی لە شفرەی بەراز گەورەترە و لامل و نەگەڕاوە و ملهوڕە، ئينجا ئەگەر کەسێک بيەوێت بەنێرەکەری و ملهوڕی کارێک بکات پێی دەوترێت(ئەگەر کەر هەيە کەرگەدەنيش هەيە) واتە لەتۆش کەرتر و ملهوڕتر هەيە ئاگات لەخۆت بێت.
Dette produktet har blitt skrevet på et språk (کوردیی ناوەڕاست), klikk på ikonet
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 1,880 ganger