ئەو شوێنەی ڕووداوەکەی تێدا ڕوویداوە نمایشی ماتۆڕسواری تێدا دەکرێت، کچەکەش چووە بۆ ئەو شوێنە بۆ سەیری پێشبڕکێی ماتۆڕسوارەکان، ئەو کچانەش کە دەچنە شوێنەکە بەهۆی ڤیدیۆی تیکتۆکەوە دەچن.
بەپێی وتەی وتەبێژى پۆلیسى سلێمانى، ئەو کچە گرفتى دەروونى هەیە و لە بنکەى پۆلیسى عەربەت سکاڵاى تۆمارکردووە.
لە چەند کاتژمێری ڕابردوودا، پارچە ڤیدیۆییەک کە لە گەڕەکی #هوانە#ی شاری #سلێمانی# تۆمارکراوە لە تۆڕە کۆمەڵایەتییەکان بڵاوبووەتەوە. لە تۆمارە ڤیدیۆیەکەدا، کچێک دەچێتە شوێنێک کە تایبەتە بە نمایشی ئۆتۆمبێل و ماتۆڕسکیل کە بەشێک لە گەنجان ڕۆژانە سەردانی دەکەن. بەڵام لەلایەن ژمارەیەک لە گەنجانی ئامادەبووی شوێنەکەوە هێرش کراوەتە سەری.
لە تۆمارە ڤیدیۆییەکەدا، کچێک لەو شوێنە ڕاو دەنرێت و بە قسەی نەشیاو دوور دەخرێتەوە، پاشان کوڕێک هەوڵیداوە بە ماتۆڕ سکیلێک کچەکە لەو شوێنە دوور بخاتەوە، بەڵام هێرشی کراوەتەسەر و بریندارکراوە. [1]