دواڕۆژ، عەلی حەمە سەعید
وتەبێژی بەڕێوەبەرایەتی بەرگری شارستانی ئاماری ڕووداوەکانی ئاگرکەوتنەوەی شەش مانگی ئەمساڵی خستەڕوو کە 132 حاڵەتی ئاگرکەوتنەوە تۆمارکراون و بە بڕی زیاتر لە 87 ملیۆن دینار زیانیان لێکەوتووەتەوە.
لە کۆنگرە ڕۆژنامەوانییەکەدا زانیار عومەر، وتەبێژی بەڕێوەبەرایەتی بەرگری شارستانی #هەڵەبجە# ئەوەی خستەڕوو، لە #01-01-2018# تا 30/6/2018 لە سنوری پارێزگای هەڵەبجە 132 حاڵەتی ئاگرکەوتنەوە لە جۆرەکانی سوتانی شاخ، دەشت، سوتانی بینا و ئۆتۆمبێلی هاووڵاتیان و ڕووداوی لافاو تۆمارکراون کە بەهۆیانەوە بڕی 75 ملیۆن و 620 هەزار دینار زیان بە هاووڵاتیان گەیشتووە.
ئاماژەی بەوەشکرد، لە بەرواری #01-07-2018# تا ئەمڕۆ 25/7/2018 لە سنورەکەدا 23 حاڵەتی جۆراوجۆری ئاگرکەوتنەوە تۆمارکراون کە بەهۆیانەوە بڕی 12 ملیۆن و 500 هەزار دینار زیانیان لێکەوتوەتەوە، بەجۆرەش تەنها لەمساڵدا بەهۆی ئاگرکەوتنەوەوە بە بڕی زیاتر لە 87 ملیۆن دینار زیان بەهاووڵاتیان گەیشتووە.
هەر له و کۆنگرە ڕۆژنامەوانییەدا وتەبێژەکەی بەڕێوەبەرایەتی بەرگری شارستانی هەڵەبجە ئەوەشی وت بەراورد بە ساڵی ڕابردوو، ڕووداوەکانی ئاگرکەوتنەوە و قەبارەی زیانەکان کەمیان کردووە، چونکە لە شەش مانگی ساڵی ڕابردوودا تەنها 230 حاڵەتی ئاگرکەوتنەوە تۆمارکراون کە بەهۆیانەوە 200 ملیۆن و 235 هەزار دینار زیانیان لێکەوتوەتەوە.[1]
#25-07-2018#
Tämä tuote on kirjoitettu (کوردیی ناوەڕاست) kieli, klikkaa kuvaketta
avata kohteen alkukielellä!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Tämä tuote on katsottu 4,226 kertaa
Kirjoita oma kommenttisi tuote!