نامۍ: ئەفراسیاو
نازنام: هەورامی
نامۊ تاتەی: حەمەشەریف
ڕۊ پېڎابېیەی: #21-05-1957#
ڕۊ مەرڎەی: #15-12-2010#
یاگۊ پېڎابېیەی: #نۊدشە_هۆرامان#
یاگۊ مەرڎەی: #مۆسکۆ_ڕووسیا#
$ژیۋاینامە$
دکتۆر ئەفراسیاو هەورامی، ساڵەو (1957ز) جە دەگاو نودشەی، هۆرامانو وەرکۆتی جە ئەڎێ بېیەن، وەنەی سەرەتاییش جە نودشەو پاوەنە تەمام کەردەن، شۊنەو ئانەیرە جە دانشگاو ماموسایا بەڼەر عەباسی وەرگېریۊ، دماتەر پېسە مامۊسای جە نۊدشەنە دەسبەکار بۊن، پیېوە کورد پەروەر و دڵسوزو گەلەکەیش بېیەن، کۊششێ مەدەنیانەش کەردەن پەی داواکەردەی مافە نەتەوەییەکا کوردی، بە هۊکارو ئانەی سەردەمو حەمەڕەزا شاینە وزیۊنە زیڼان، چاگە توشو ئازار و ئەشکەنجەی مەبۊن. جە شوڕشەکا گەلا ئێرانی ڕۊڵێ فرە خاس گېڵنۊ جە گلېرۆکەردەی و هاندای خەڵکینە، چەنی تاتەیش و برێوەش بەشداری چا شوڕشەینە کەران کە جە وەرکۆتو کوردەسانینە دەسش پەنەکەردەن. دماتەر بە ناچاری ڕاو ئاوارەیی مەگېرۊن، ملۊ پەی وەڵاتو سۆڤیەتی، ئەچاگە ئەرەنیشتە بۊن، هەرچاگە ملۊنە دلۍ وانای زانکۆی، بەڵگەنامەو دکتورای جە یاسانە گېرۊن.
دمای وەرگېرتەی دکتورای و فېربېیەی زوانی ڕووسی، هەلێ زەڕینەش پەی هۊرگنۊ جە موسکۆ، ئەرشیفو بەڵگەنامە کۊنەکا سوڤیەتی هۊرمڎۊوەو چڼین بابەتۍ بە قیمەتی جە بارەو تاریخو کوردیۆ مەوزۊنە دەس پېسەو سەرچەمەی پەی نویستەی، دماتەر چن کتېبێ بە زوانی ڕووسی هۊرۋېڵنۊ پەی زوانی کوردی. دکتور ئەفراسیاو فرە خاڵۍ پەنهانیېش جە تاریخو کوردی ئاشکەرێ کەردۍ. دکتور ئەفراسیاو خاوەنو پروژێوە بەڵگەنامەیی گۆرەین، زیاتەر جە (21) کتېباش چا بوارەنە نویستېنۍ، کە دیارتەرینېشان ئینېنۍ:
شوڕشو شېخ سەعیدی پیرانی.
کورد دلۍ ئەرشیڤو ڕووسیاو سوڤیەتینە.
پېوەڼیەکۍ کوردەسانی و ئازەربایجانی و هەرەسەو هەردوېشا ساڵەو (1946ز).
کورد و کوردەسان دلۍ بەڵگەنامەکا بەریتانیاینە.
ئی کەسایەتیە ئەکادیمیەو کوردەسانی (15-12-2010) جە شارو مۆسکۆی کۊچی دمایین کەرۊن. (23-دێسەمبەر)ی جە زیارەتتەڵانو مەریوانېیەنە ئەسپەردە کریان.
ئەسعەد ڕەشید.[1]