کاسەی پەڕ ئاشتی یانەین
مادە یام زەڕ نەک گردو گرفتەکا خانەوادەی، بەڵکوم بەعزێشا چارە کەرۊن، پېسە مزانمۍ بنەمای ئابوری یۊن جە پایە مەحکەمەکا مدرای هەر عائیلە و خانەوادێ، پەنەۋازیەکی ڕوانەی بە زەڕ پېڎێ کریان، هەر جەخوراک و پۊشاک و یاگۍ مەنەیۆو ئیسراحەتی.
بەڵام بە پېچەوانۆ کەمی یام نەبېیەی زەڕی، ئاتاجیەکی کەسی و خانەوادەی زیاتەرۍ مەبانۍ، ئەچاگەیچۆ بنەڕەتی تەرین پەنەۋازی کە خۊراکەن پېڎا نمەکریۊن، یانی سفرەشان هاڵیەن، کە ئینەیچە مەبۊن بە هۊکارو سەرهۊردای ئاژاولا دلی یانەینە.
وەڵینەکېما بە تەجرەبە یاوێنی ئەپانەیە هەکە سفرەی پەڕ ئاژاولی دلۍ یانەی کەمە کەرۊوە، ئاشتی مجۊنە دلی یانەی، چوونکوم تېری مەڵامەتەن پەی هېمن بېیەیۆ مەژگو ئینسانی، پەی وینگایێوە ڕۊشنی، بەڵام ئاورای دەروون و مەژگو ئینسانی هیلاک و مانیا کەرۊن، چاگەیچۆ تووڕەیی و غەزەب یاگۍ ئاشتی و ڕۊشنی مەگېرۊوە.[1]