قسېش پېسەنۍ نەقشو سەرو تەۋەنۍ
نەقش، هۊرکۊڵنای نویستۍوە، یام نیگارێوە سەرو تەۋەنېوە، کە ئانەیچە بە چەکوش و قەڵەمکاری کریۊن بە دەسو کەسێ دەسڕەنگینی. نەقشو سەرو تەۋەنۍ مەبۊن بە پارچېوە جە تەۋەنەکۍ، هەر مەنۊوە، هەرچن سەختیۍ ڕوژگاری بەیان ملشەرە.
بڕێ کەسۍ ئاقڵۍ و دانێ قسېشان پېسەنە نەقشو تەۋەنۍ، ئڼە بە جوانی و حەکیمانە قسۍ کەران، هەر حەزکەری گۊششا پەی گېرین.
فرەو جاری گرفتە کۊمەڵیەکانە بە قسێوە یام چن قسێوە گرفتەکەی چارە کەران، ئایېرەکەی خامۊش کەران، قسەکېشا و مۊچیاریەکېشان دلۍ مەژگو خەڵکینە هەر مەناوە، هەر دەم باسشان کەران. ئیسەیچ وەختو کۊنیشتەکانە جە شەوەکانو زمسانینە دلۍ باسەکاشانە قسێوە یام گوفتێ کەسێ خوڎابەخشەی ماراوە، ماچان فڵانە کەسی ڕەحمەتی چن زەریف فەرماوانش، چن قسەکېش بە یاگېنە. پېسە واتمان دلۍ مەژگو خەڵکینە هەر مەناوەو یاگۍ وېشانە ماچاشاوە.[1]