واتشا چی شېتەنی؟ ماچۊ پەیم لېویۊ
شېت، بە کەسێ ماچان هەکە ئەقڵش جە دەس دابۊ، یانی سەیتەرەش ملو وېشەرە نەمەنەبۊ، قسۍ هەلەق و مەلەقۍ کەرۊن، ڕەنگە بڕێ جارۑج پەلامارە بڎۊن. ئانە هەرمانەو خوڎاینەو هیچ دەسەڵاتێ ئینسانیش چەنە نېیەن.
بەڵام بڕێ تەر کەسۍ هەنۍ بە ئارەزو یام بە هۊکارو چېوێ وېشان تېک مڎاو ژڵېویێ نا سرووشتیۍ مەکەران، بڕێشان لەزەت چا ڕەفتاراشا بەران.
ئا جۊرە کەسۍ پەیشان لېویان، هیچ گرفتێ مادی و خانەوادەییشان نېیەن، ناز و وەشەویسی فرەشان پەنە دریان، هەرچیشان کەردەن لۊمە نەکریێنۍ، مۊچیاری نەکریێنۍ، وەختێ کەسێ چامنە ملۊنە دلۍ خەڵکی و ڕەفتارۍ ناشازۍ کەرۊن، پەنەش ماچان بە خوڎا برا تۊ شېت نېیەنی، بەڵام پەیت لېویان.
بڕێ زارۊڵۍ بە هۊکارو ناز پەنەدایشان جە لاو ئەڎا و تاتەیشاوە، تەرزێ جە ڕەفتارۍ ناشازا مەکەران، فرە ژڵېویان، چېو ماڕان، بەهانی مەگېران، ئا جۊرە زارۊڵۍ پەیشان لېویان.[1]