Həjar Şamil oğlu Süleymanov və ya Həjar Şamiloğlu (kürd. Hejarê Şamil; 16 iyul 1966, Kəlbəcər) — Azərbaycan əsilli Rusiya və Qırğızıstan yazıçısı, şairi və jurnalisti.
$Həyatı$
Həjar Şamil oğlu Süleymanov 16 iyul 1966-cı ildə Azərbaycanın Kəlbəcər şəhərində, Şamil Əsgərov və Nazilə Əsgərovanın ailəsində anadan olmuşdur. O, 1984–1990-cı illərdə Bakıda filologiya ixtisası üzrə təhsil almışdır. Şamiloğlu 1989–1991-ci illərdə təhsilini başa vurduqdan sonra Bakıda Yazıcı nəşriyyatında işləmişdir. Bundan sonra o, 1991–1993-cü illərdə Azərbaycan Mlli Məclisinə bağlı Azərbaycan qəzetində müxbir olaraq çalışmışdır. Şamiloğlu həmçinin, 1992–1994-cü illərdə Kurdish Voice jurnalının Bakıdakı bölməsinin redaktoru, 1994–1997-ci illərdə Moskvada Kurdistan Report jurnalının redaktoru, 2000-ci ildən sonra isə İraq Kürdüstanında Maxmûr jurnalının redaktoru kimi işləmişdir. O, 2008-ci ildə Ak Newsun müxbiri olmuş, 2004–2010-cu illərdə Qazaxıstanda Nubar jurnalının redaksiyasında işləmişdir. Şamiloğlu 2005–2010-cu illərdə Qırğızıstanda radio redaktoru işləmişdir. O, rus, Azərbaycan və türk dillərində çoxlu kitablar yazmışdır.
Həjar Şamiloğlu iddialara görə PKK-ya qoşulmuşdur. Buna baxmayaraq, o, heç vaxt hansısa bir kürd partiyasının üzvü olmadığını qeyd etmişdir. Onun Qızıl Kürdüstanın bərpa edilməsini dəstəklədiyi də iddia olunmuşdur. O, bütün kürd təşkilatları ilə davalı olduğunu demişdir. Şamiloğlu hal-hazırda Bişkekdə yaşayır. O, Rusiya vətəndaşıdır.
$Əsərləri$
$Kitabları$
Şerê eqilan (İraq, 2000).
Di pêşiya de sê xal (İraq, 2001).
Rêya ewlekariyê (İraq, 2000, bi hevbeşî hatiye nivisandin).
Diaspora Kurda (İstanbul, Pêrî, 2005).
Gulnar û Ocalan (İstanbul, Pêrî, 2005).
Knyazê Îbrahim (İstanbul, Pêrî, 2007).
Jiyan di rêya welatparêziyê de (Qırğızıstan, 2007).
Diaspora Kurdên YKS (Qırğızıstan, 2007).
Tenê me (Qırğızıstan, 2007).
$Tərcümələri$
Kurdên Azerbaycanê (Stembol, Pêrî, 2007).
Kurdistana Sor.
Şerefname, wek çavkaniya dîroka kurdan.
[1]